ముంబైలో లైగర్ చిత్రం షూటింగ్‌లో బిజీగా ఉన్న డైనమిక్ డైరెక్టర్ పూరీ జగన్నాధ్‌పై నటుడు, నిర్మాత బండ్ల గణేష్ ఇటీవల సంచలన వ్యాఖ్యలు చేశారు. ఇప్పుడు బండ్ల గణేష్ కి పూరీ జగన్నాధ్ ఇన్ డైరెక్ట్ గా కౌంటర్ ఇచ్చాడు. సినిమాలతో పాటు, పూరి జగన్నాధ్ పూరి మ్యూజింగ్స్ పేరుతో పాడ్‌కాస్ట్‌లను చేస్తున్న సంగతి అందరికీ తెలిసిందే. వీటికి ప్రేక్షకుల నుండి విశేష స్పందన లభిస్తోంది.
తాజాగా మరొక మ్యూజింగ్ ను షేర్ చేశాడు పూరి జగన్నాథ్. టంగ్ పేరుతో ఈ వీడియో సోషల్ మీడియాలో చక్కర్లు కొడుతుండగా, బండ్ల గణేష్ గురించేనని అందరూ వ్యాఖ్యానిస్తున్నారు. నాలుకను అదుపులో ఉంచుకోవాలని, ఎందుకంటే ఒకరి జీవితం మరియు మరణం నాలుకపై ఆధారపడి ఉంటుందని పూరి అన్నారు. స్నేహితులు అయినా, కుటుంబ సభ్యులు అయినా, మీ భార్య అయినా జాగ్రత్తగా మాట్లాడండి అని దర్శకుడు పేర్కొన్నాడు. నాలుక వృత్తిని, విశ్వసనీయతను నిర్ణయిస్తుందని, చౌకబారుగా మాట్లాడవద్దని, ప్రవర్తించవద్దని అన్నారు. పూరి జగన్నాధ్ ప్రస్తుతం విజయ్ దేవరకొండతో తన తదుపరి చిత్రం జన గణ మన చిత్రం తో బిజీగా ఉన్నారు.