బాలీవుడ్ స్టార్ హీరోయిన్ రాణి ముఖర్జీ ఇటీవల నటించిన చిత్రం మిసెస్ ఛటర్జీ Vs నార్వే. ఇది నార్వేలోని భారతీయ దంపతులకు జరిగిన నిజమైన సంఘటనల ఆధారంగా తెరకెక్కిన చిత్రం. ఈ చిత్రం విమర్శకుల ప్రశంసలు అందుకుంది. టిక్కెట్ విండోల వద్ద మంచి కలెక్షన్లను రాబట్టింది. థియేట్రికల్ రన్ తర్వాత, చిత్రం ఇప్పుడు నెట్‌ఫ్లిక్స్‌లో ప్రసారం చేయడానికి అందుబాటులో ఉంది. OTT ప్లాట్‌ఫారమ్‌లో ప్రారంభమైన వెంటనే, సినిమా కి మంచి క్రేజ్ ఏర్పడింది.
ఇది ప్రస్తుతం నెట్ఫ్లిక్స్ ఇండియా మూవీస్ విభాగంలో రెండవ స్థానంలో ట్రెండింగ్‌లో ఉంది. రాణి ముఖర్జీ నటించిన ఈ చిత్రం డిజిటల్ ప్రీమియర్ గా సాలిడ్ రెస్పాన్స్ ను సొంతం చేసుకుంది. అషిమా చిబ్బర్ దర్శకత్వం వహించిన ఈ చిత్రంలో అనిర్బన్ భట్టాచార్య, జిమ్ సర్భ్ మరియు నీనా గుప్తా ముఖ్యమైన పాత్రలు పోషించారు. ఎమ్మే ఎంటర్టైన్‌మెంట్ మరియు జీ స్టూడియోస్ నిర్మించిన ఈ డ్రామాకి అమిత్ త్రివేది సంగీతం అందించారు.