స్టార్ హీరో మాస్ మహారాజా రవితేజ ధమాకా చిత్రం విజయం తో దూసుకు పోతున్నారు. మెగాస్టార్ చిరు నటించిన వాల్తేరు వీరయ్య సినిమాలో ప్రత్యేక పాత్ర పోషించి సినిమా రేంజ్‌ని పెంచారు. తదుపరి, అతను సుధీర్ వర్మ దర్శకత్వంలో రావణాసుర అనే యాక్షన్ థ్రిల్లర్‌లో కనిపించనున్నాడు. ఇప్ప‌టి వ‌ర‌కు విడుద‌లైన టీజ‌ర్, పాట‌లు ప్రేక్ష‌కుల నుంచి మంచి ఆద‌ర‌ణ పొందుతున్నాయి. మేకర్స్ ఇప్పుడు ప్రమోషన్స్ షురూ చేసారు. ఇంటర్వ్యూలు ఇవ్వడం ప్రారంభించారు.

ఉగాదికి ప్రసారం కానున్న టీమ్ మొత్తానికి సంబంధించిన ప్రత్యేక ఇంటర్వ్యూ ఇటీవలే షూట్ చేయబడింది. అభిషేక్ నామా మరియు రవితేజ సంయుక్తంగా ఈ చిత్రాన్ని నిర్మిస్తున్నారు. హర్షవర్ధన్ రామేశ్వర్ మరియు భీమ్స్ సిసిరోలియో స్వరాలు సమకూరుస్తున్నారు. శ్రీరామ్, అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ, రావు రమేష్, మురళీ శర్మ, సంపత్ రాజ్ కీలక పాత్రలు పోషిస్తున్నారు. రావణాసుర చిత్రం ఏప్రిల్ 7, 2023న థియేటర్ల లో గ్రాండ్ గా రిలీజ్ కానుంది.