టాలీవుడ్ నటుడు రవితేజ హీరోగా నటిస్తున్న తాజా చిత్రం ఖిలాడి. ఫిబ్రవరి 11, 2022న ప్రపంచవ్యాప్తంగా థియేటర్లలో గ్రాండ్ రిలీజ్‌కి సిద్ధంగా ఉంది. యాక్షన్ ఎంటర్‌టైనర్‌గా రూపొందిన ఈ చిత్రానికి రమేష్ వర్మ దర్శకత్వం వహించారు. ఈరోజు ఈ సినిమా సెన్సార్ కార్యక్రమాలను పూర్తి చేసుకుని CBFC నుండి U/A సర్టిఫికేట్ పొందింది.

ఇదే విషయాన్ని తెలియజేసేందుకు మేకర్స్ ప్రత్యేక పోస్టర్‌ను సోషల్ మీడియా లో విడుదల చేశారు. డింపుల్ హయాతి మరియు మీనాక్షి చౌదరి ఈ చిత్రంలో కథానాయికలుగా ఉన్నారు. దీనిని హిందీలో కూడా విడుదల చేయడానికి ప్లాన్ చేస్తున్నారు. ఏ స్టూడియోస్ మరియు పెన్ స్టూడియోస్ సంయుక్తంగా నిర్మిస్తున్న ఈ చిత్రానికి దేవి శ్రీ ప్రసాద్ సంగీతం అందించారు. రవితేజ క్రాక్ లాంటి బ్లాక్ బస్టర్ హిట్ తర్వాత వస్తున్న చిత్రం కావడంతో సినిమా పై భారీ అంచనాలు నెలకొన్నాయి.