మెగాపవర్ స్టార్ రామ్ చరణ్, దిగ్గజ దర్శకుడు శంకర్ ల కలయికలో తెరకెక్కుతున్న RC 15 మూవీ పై మెగా ఫ్యాన్స్ తో పాటు ఆడియన్స్ లో కూడా భారీ అంచనాలు ఉన్నాయి. కియారా అద్వానీ హీరోయిన్ గా నటిస్తున్న ఈ మూవీకి థమన్ సంగీతం అందిస్తుండగా శ్రీవెంకటేశ్వర క్రియేషన్స్ బ్యానర్ పై దిల్ రాజు దీనిని గ్రాండ్ గా నిర్మిస్తున్నారు. ఇక ఈ మూవీ ప్రస్తుతం శరవేగంగా షూటింగ్ జరుపుకుంటూ ఉండగా ఇందులో శ్రీకాంత్, ఎస్ జె సూర్య, అంజలి, సునీల్ తదితరులు కీలక పాత్రలు చేస్తున్నారు.
భారీ యాక్షన్ తో కూడిన పొలిటికల్ కమర్షియల్ ఎంటర్టైనర్ గా రూపొందుతున్న ఈ మూవీ కి CEO అనే టైటిల్ ని యూనిట్ పరిశీలిస్తున్నట్లు ఇప్పటికే పలు మీడియా మాధ్యమాల్లో కథావలు వస్తున్నాయి. అయితే లేటెస్ట్ టాలీవుడ్ బజ్ ప్రకారం ఆ టైటిల్ ని యూనిట్ ఆల్మోస్ట్ ఓకే చేసినట్లు తెలుస్తోంది. అలానే రామ్ చరణ్ ఈ సినిమాలో పవర్ఫుల్ రోల్ చేస్తుండగా శ్రీకాంత్ రోల్ కూడా అదిరిపోనుందట. ఇక ఈ టైటిల్ ప్రకటించడం లాంఛనమే అని, దీనిని మార్చి 27న రామ్ చరణ్ బర్త్ రోజున అధికారికంగా అనౌన్స్ చేయనున్నారట. కాగా ఈమూవీ యొక్క రిలీజ్ కి సంబంధించి కూడా అప్పుడే పూర్తి డీటెయిల్స్ వెల్లడి కానున్నట్లు తెలుస్తోంది.