మాస్ మహారాజా రవితేజ మరియు దర్శకుడు వంశీ టైగర్ నాగేశ్వరరావు చేతులు కలిపారు. భారీ బడ్జెట్‌తో రూపొందుతున్న ఈ చిత్రాన్ని తేజ్ నారాయణ్ అగర్వాల్ సమర్పిస్తున్నారు. రేణు దేశాయ్ పాత్రను పరిచయం చేయడానికి మేకర్స్ ఈ రోజు ఒక చిన్న గ్లింప్స్ తో ముందుకు వచ్చారు. రేణు దేశాయ్ హేమవతి లవణం అనే కీలకమైన పవర్ ఫుల్ రోల్ ను పోషిస్తున్నట్లు తెలుస్తుంది. ఇది నిజ జీవిత పాత్ర మరియు హేమలత లవణం ఒక భారతీయ సామాజిక కార్యకర్త, రచయిత, అంటరానితనం మరియు సామాజిక వ్యవస్థలో అసమతుల్యతకు వ్యతిరేకంగా నిరసించారు ఈ గ్లింప్స్ లో.

రేణు దేశాయ్, వీడియోలో, తెల్ల చీరలో కనిపించే మరో ఇద్దరు మహిళా కార్యకర్తలతో కలిసి రోడ్డుపై నడుస్తూ పవర్ ఫుల్ ఎంట్రీ ఇచ్చింది. జివి ప్రకాష్ కుమార్ ఇచ్చిన బిజిఎమ్ పాత్రను మరింత పవర్ ఫుల్ గా చూపించడం జరిగింది. రవితేజ సరసన నూపుర్ సనన్, గాయత్రి భరద్వాజ్ హీరోయిన్లుగా నటిస్తున్నారు. అభిషేక్ అగర్వాల్ నిర్మిస్తున్న ఈ చిత్రానికి మయాంక్ సింఘానియా సహ నిర్మాత గా వ్యవహరిస్తున్నారు. టైగర్ నాగేశ్వరరావు చిత్రం పేరు మోసిన దొంగపై బయోపిక్. ఈ చిత్రం పై సర్వత్రా ఆసక్తి నెలకొంది.

వీడియో కోసం ఇక్కడ క్లిక్ చేయండి