కొన్ని గంటల క్రితం, రేణు దేశాయ్ ఒక సోషల్ మీడియాలో ఒక వీడియో ను షేర్ చేశారు. అందులో అకీరా నందన్ స్టిక్ ఫైట్ ప్రాక్టీస్ చేస్తూ కనిపించారు. ఈ వీడియో కి ఒక క్యాప్షన్ ను యాడ్ చేయడం జరిగింది. మై సమురాయ్ బేబీ అంటూ క్యాప్షన్ను జోడించింది. ఈ ఇన్స్టా పోస్ట్కు నెటిజన్ల నుండి భారీ స్పందన వస్తోంది. పవర్ స్టార్ పవన్ కళ్యాణ్ అభిమానులు అకీరా నందన్ వెండితెర అరంగేట్రం కోసం ఎంతో ఆసక్తిగా ఎదురుచూస్తున్నారు.
అకీరా నందన్కి హీరోగా మారాలనే ఆసక్తి లేదని రేణు దేశాయ్ పాత పోస్ట్లో ప్రత్యేకంగా పేర్కొంది. అకీరా హీరో కావాలని నిర్ణయించుకుంటే, ఆ వార్తను వెల్లడించే మొదటి వ్యక్తి తానేనని రేణు దేశాయ్ పేర్కొంది. అకీరా తన సినిమా రంగప్రవేశం చేయడని స్పష్టం చేసింది. పవన్ అభిమానులు అకీరా చేస్తున్న మార్షల్ ఆర్ట్స్ ప్రాక్టీస్ పట్ల సంతోషం వ్యక్తం చేస్తున్నారు. తమ అభిమాన హీరో వలె అకీరా కూడా హీరోగా ఎదగాలని కోరుకుంటున్నారు.