ప్రస్తుతం ఇండియన్ సినిమా దగ్గర భారీ లెవెల్లో ఎంతో ఆసక్తిగా ఎదురు చూస్తున్న పలు మోస్ట్ అవైటెడ్ పాన్ ఇండియన్ సినిమాల్లో “రౌద్రం రణం రుధిరం” కూడా ఒకటి. రాజమౌళి మెగాపవర్ స్టార్ రామ్ చరణ్ మరియు యంగ్ టైగర్ ఎన్టీఆర్ ల కలయికలో ఈ చిత్రాన్ని తెరకెక్కించారు. మరి షూట్ పార్ట్ అంతా కంప్లీట్ చేసుకున్న ఈ భారీ చిత్రం నిజానికి ఈ ఏడాదిలో రిలీజ్ కావాల్సి ఉంది.
కానీ పరిస్థితులు రీత్యా సినిమా వాయిదా పడింది. ఇక ఈ భారీ చిత్రం విడుదల ఎప్పుడు అన్నదానికి ఆల్ మోస్ట్ కన్ఫర్మ్ అయ్యిపోయినట్టే అని తెలుస్తుంది. అల్రెడీ ఈ చిత్రం ఈ ఏడాది సంక్రాంతి కి ఫిక్స్ అయ్యి అక్టోబర్ కి వాయిదా పడిన సంగతి తెలిసిందే. మరి ఈ ఏడాది సంక్రాంతి రేస్ కి మిస్ చేసిన డేట్ కే మళ్ళీ వచ్చే ఏడాది సినిమాని రిలీజ్ చెయ్యాలని ఫిక్స్ చేశారట.
అంటే వచ్చే ఏడాది జనవరి 8న ఈ భారీ చిత్రం థియేటర్స్ లో పడనున్నట్టుగా నయా టాక్.. మరి దీనికి సంబంధించే మేకర్స్ నుంచి ఒక అధికారిక క్లారిటీ కొన్ని రోజుల్లో రానుంది అని కూడా టాక్ ఉంది. మరి ఇదెప్పుడు వస్తుందో చూడాలి.