“ఆర్ఆర్ఆర్”లో ఎన్టీఆర్‌ వాడిన బైక్‌కి ఎంత ఖర్చు చేశారంటే?

“ఆర్ఆర్ఆర్”లో ఎన్టీఆర్‌ వాడిన బైక్‌కి ఎంత ఖర్చు చేశారంటే?

Published on Mar 25, 2022 11:33 PM IST

దర్శక ధీరుడు రాజమౌళి దర్శకత్వంలో జూనియర్‌ ఎన్టీఆర్‌, మెగా పవర్ స్టార్ రామ్‌చరణ్‌ మల్టీస్టారర్లుగా తెరకెక్కిన “ఆర్‌ఆర్‌ఆర్‌” చిత్రం నేడు ప్రపంచ వ్యాప్తంగా విడుదలై బ్లాక్ బస్టర్ హిట్‌ను సొంతం చేసుకుంది. ఇదిలా ఉంటే ఈ సినిమా గురుంచి పలు ఇంట్రెస్టింగ్ విశేషాలు కొన్ని ఇప్పుడు నెట్టింట చక్కర్లు కొడుతున్నాయి. ఇందులో ఎన్టీఆర్‌ వాడిన బైక్‌పై కూడా తెగ చర్చ నడుస్తుంది. అసలు ఎన్టీఆర్‌ వాడిన బైక్ ఏ కంపెనీకి చెందింది? దాని ధర ఎంత? అనే దానిపై నెటిజన్స్ ఎక్కువగా సెర్చ్ చేస్తున్నారట.

అయితే ఈ సినిమాలో ఎన్టీఆర్‌ వాడిన బైక్‌ పేరు వెలోసెట్‌ మోటార్‌ బైక్‌ అని, ఇది బ్రిటన్‌కు చెందిన కంపెనీ అని తెలుస్తుంది. 1920-50 వ‌ర‌కు అంత‌ర్జాతీయ మోటార్ రేసింగ్ విభాగంలో ఈ బైక్ అగ్రస్థానంలో ఉండేదట. 1971లో కంపెనీ ఈ బైకుల ఉత్ప‌త్తిని ఆపేసింది. అయితే అప్పటి మోడల్ బైక్ కోసం రాజమౌళి చాలా ట్రై చేశారని, చివరికి ఎక్కడా దొరక్కపోవడంతో అప్పటి బైకులు ఎలా ఉండేవో తెలుసుకుని సుమారు 20 లక్షల రూపాయల వరకూ ఖర్చు అయినట్టు తెలుస్తుంది.

సంబంధిత సమాచారం

తాజా వార్తలు