స్టార్ బ్యూటీ సాయి పల్లవి తన పెళ్లి వార్తలపై వస్తున్న రూమర్లకు చెక్ పెట్టింది. ప్రస్తుతం తాను సినిమాలతో ఎంతో బిజీగా ఉన్నానని, ఇప్పట్లో వివాహం చేసుకునే ఆలోచన లేదని ఆమె స్పష్టం చేసింది. ఒక ఈవెంట్లో పాల్గొన్న సందర్భంగా తన వ్యక్తిగత జీవితం గురించి స్పందిస్తూ, తాను ప్రస్తుతం సింగిల్గానే ఉన్నానని మరియు తన పూర్తి దృష్టి కెరీర్పైనే ఉందని వెల్లడించింది.
సాయి పల్లవి చెల్లెలు వివాహం జరగడంతో, 33 ఏళ్ల ఈ నటి పెళ్లి గురించి సోషల్ మీడియాలో చర్చ మొదలైంది. అయితే గ్లామర్ పాత్రలకు దూరంగా ఉంటూ, కేవలం కంటెంట్ ఉన్న చిత్రాలనే ఎంచుకునే ఆమె, ప్రస్తుతం భారీ ప్రాజెక్టులతో బిజీగా ఉంది. ముఖ్యంగా మైథలాజికల్ చిత్రం ‘రామాయణ’లో నటిస్తూ తనదైన ముద్ర వేసేందుకు సిద్ధమవుతుంది.
వరుస సినిమాలతో సాయి పల్లవి డైరీ ఫుల్ అయిపోయింది. మణిరత్నం దర్శకత్వంలో విజయ్ సేతుపతి సరసన నటిస్తున్న చిత్రంతో పాటు, అమీర్ ఖాన్ కుమారుడు జునైద్ ఖాన్ సరసన ‘ఏక్ దిన్’ అనే సినిమాలో కూడా ఆమె నటిస్తుంది. ఈ చిత్రాలు త్వరలోనే విడుదలకు సిద్ధమవుతుండటంతో, అభిమానులు ఆమె నటన కోసం ఆసక్తిగా ఎదురుచూస్తున్నారు.
