పాన్ ఇండియన్ స్టార్ ప్రభాస్ హీరోగా ప్రస్తుతం ది రాజా సాబ్, కల్కి 2898 మూవీస్ తెరకెక్కుతోన్న విషయం తెలిసిందే. అయితే కల్కి ఇప్పటికే షూట్ పూర్తి చేసుకుంది, అయినప్పటికీ కూడా బ్రేక్ తీసుకోని ప్రభాస్, అనంతరం మే నెలాఖరులో సలార్ 2 షూట్ లో పాల్గొననున్నారనేది లేటెస్ట్ అప్ డేట్. ఇక సలార్ 2 ని రామోజీ ఫిలిం సిటీ లో షూట్ ఆరంభించనున్నారట. ఇక ఫస్ట్ షెడ్యూల్ పది రోజుల పాటు ఉండనుండగా ప్రభాస్, పృథ్వీరాజ్ సుకుమారన్ ల పై కీలక సీన్స్ చిత్రీకరించనున్నారని తెలుస్తోంది.
అయితే ఫస్ట్ పార్ట్ కి ఆడియన్స్ నుండి వచ్చిన రెస్పాన్స్ ని బట్టి సెకండ్ పార్ట్ స్క్రిప్ట్ లో ప్రశాంత్ నీల్ అండ్ టీమ్ కొద్దిపాటి మార్పులు చేర్పులు చేసినట్లు చెప్తున్నారు. ఇక ఈ సలార్ 2 మూవీ విషయమై అన్ని అనుకున్నట్లు జరిగితే 2025 డిసెంబర్ లో రిలీజ్ చేయాలనేది టీమ్ ప్లాన్ అట. ఇక ఈ మూవీని మరింత భారీ వ్యయంతో హోంబలె ఫిలిమ్స్ సంస్థ పై విజయ్ కిరగందూర్ నిర్మించనున్నారు.
