పాన్ ఇండియా స్టార్ ప్రభాస్ ప్రస్తుతం వరుస సినిమాలతో బిజీగా ఉన్నాడు. ఇప్పటికే ‘ది రాజా సాబ్’, ‘ఫౌజీ’ చిత్రాల్లో నటిస్తున్న ప్రభాస్ ఈ సినిమాలను వీలైనంత త్వరగా రిలీజ్ చేసేందుకు రెడీ అవుతున్నాడు. ఇక ఈ రెండు సినిమాల్లో వైవిధ్యమైన పాత్రల్లో నటిస్తున్నారు ఈ స్టార్ హీరో. ఇక ఈ రెండు సినిమాల తర్వాత సెన్సేషనల్ డైరెక్టర్ సందీప్ రెడ్డి వంగా దర్శకత్వంలో ‘స్పిరిట్’ అనే సినిమాలో ప్రభాస్ నటించబోతున్నాడు.
దీంతో ఈ సినిమాతో ప్రభాస్ ఎలాంటి వండర్స్ క్రియేట్ చేస్తాడా అని అందరూ ఆసక్తిగా చూస్తున్నారు. ఇక సందీప్ రెడ్డి వంగా తనదైన మార్క్తో ఈ సినిమాను పూర్తి పోలీస్ స్టోరీ కథగా తెరకెక్కించేందుకు సిద్ధమవుతున్నాడు. అయితే, ఈ సినిమాలో ప్రభాస్ పాత్ర అల్టిమేట్గా ఉండబోతుందని.. ప్రభాస్ని ఇప్పటివరకు చూడనివిధంగా తాను చూపించబోతున్నానని చెప్పాడు దర్శకుడు సందీప్ రెడ్డి వంగా.
కాగా ఈ సినిమా తొలి షెడ్యూల్ను త్వరలోనే ప్రారంభించేందుకు సందీప్ రెడ్డి రెడీ అవుతున్నాడు. ఇక ఈ షెడ్యూల్ షూటింగ్ను ఇండొనేషియా రాజధాని జకార్తాలో చేయబోతున్నారనే టాక్ సినీ సర్కిల్స్లో వినిపిస్తోంది. ఈ సినిమాలో కాప్ సీన్స్ కొన్ని ఇక్కడ షూట్ చేస్తారని తెలుస్తోంది. మరి ఈ వార్తల్లో ఎంతవరకు నిజం ఉందనేది చూడాలి. ఇక ఈ సినిమాలో ప్రభాస్ లుక్స్ అల్ట్రా స్టైలిష్గా ఉంటాయని చిత్ర వర్గాలు చెబుతున్నాయి.