మెగా వారసురాలు నిహారిక కొణిదెల నిర్మాతగా తెరకెక్కిస్తున్న లేటెస్ట్ సినిమానే “రాకాస”. యంగ్ అండ్ టాలెంటెడ్ హీరో సంగీత్ శోభన్ హీరోగా నయన్ సారిక హీరోయిన్ గా దర్శకురాలు మానస శర్మ తెరకెక్కించిన ఈ ఇంట్రెస్టింగ్ హారర్ కామెడీ సినిమా నుంచి వచ్చిన టీజర్ గ్లింప్స్ ఇంప్రెస్ చేసింది. మంచి క్వాలిటీ విజువల్స్ తో ఇంప్రెస్ చేసిన ఈ సినిమా కోసం ఇపుడు ఆడియెన్స్ ఎదురు చూస్తున్నారు.
అయితే ఈ సినిమా టీజర్ రాకముందే ఈ సినిమా తాలూకా ఓటీటీ హక్కులు దిగ్గజ స్ట్రీమింగ్ సంస్థ నెట్ ఫ్లిక్స్ సొంతం చేసుకున్న విషయం తెలిసిందే. మరి అలాంటి సంస్థ ఎందుకు తీసుకుంది అనేది టీజర్ తో రివీల్ అయ్యింది. మరి వారు ఈ సినిమాకి మంచి మొత్తమే ముట్టజెప్పారట. లేటెస్ట్ బజ్ ప్రకారం కేవలం ఓటీటీ హక్కులు గానే ఈ సినిమాకి 10 నుంచి 11 కోట్ల మధ్య డీల్ లాక్ అయ్యిందట.
దీనితో ఈ సినిమా విడుదలకి ముందే మంచి టేబుల్ ప్రాఫిట్స్ చూసేలా ఉందని చెప్పొచ్చు. ఇక ఈ సినిమాకి అనుదీప్ దేవ్ సంగీతం అందిస్తున్నారు అలాగే ఈ ఏప్రిల్ 3న థియేటర్స్ లో సినిమా విడుదల కాబోతోంది.
