రిలీజ్ కి రెడీ అయిన సత్యదేవ్ “గుర్తుందా శీతాకాలం”

రిలీజ్ కి రెడీ అయిన సత్యదేవ్ “గుర్తుందా శీతాకాలం”

Published on Jun 19, 2022 3:00 PM IST

టాలీవుడ్ మోస్ట్ టాలెంటెడ్ యంగ్ హీరో సత్యదేవ్, మిల్కీ బ్యూటీ తమన్నా జంటగా నాగ శేకర్ తెరకెక్కిస్తున్న సినిమా గుర్తుందా శీతాకాలం. ప్ర‌తీ ఒక్క‌రు త‌మ జీవితంలో సెటిల్ అయిన తర్వాత కొన్ని విష‌యాల్ని ఎప్ప‌టికీ మ‌రిచిపోరు. ముఖ్యంగా టీనేజ్, కాలేజ్ ఆ తర్వాత వ‌చ్చే యూత్ లైఫ్‌లో జ‌రిగే సంఘ‌ట‌న‌లు జీవితాంతం గుర్తుకు వ‌స్తూనే ఉంటాయి. ఇలాంటి ఆహ్లాద‌క‌ర‌మైన సంఘ‌ట‌ణ‌లు ప్రేక్ష‌కుల‌కి గుర్తు చేసే ఉద్దేశంతో నాగ‌శేఖ‌ర్ మూవీస్ బ్యాన‌ర్, మణికంఠ ఎంటర్‌టైన్మెంట్స్, వేదాక్షర ఫిల్మ్స్ బ్యానర్స్‌పై భావ‌న‌ ర‌వి, నాగశేఖర్, రామారావు చింతపల్లి, ఎమ్ ఎస్ రెడ్డి, చిన‌బాబు సంయుక్తంగా నిర్మిస్తున్న సినిమా గుర్తుందా శీతాకాలం. ఈ సినిమా నిర్మాతల్లో ఒకరైన రామారావు చింతపల్లి గారు వరస సినిమాలతో ఇండస్ట్రీలో తన మార్క్ చూపించుకుంటున్నారు. క్రేజీ ప్రాజెక్టులను ఆయన నిర్మిస్తూ హ్యాపెనింగ్ ప్రొడ్యూసర్‌గా మారుతున్నారు. గుర్తుందా శీతాకాలం నిర్మాణంలో ఈయన భాగస్వామ్యం చాలా ఉంది. ఇప్ప‌టికే ఈ సినిమా టైటిల్ మంచి రెస్పాన్స్ తెచ్చుకుంది.

ఇండ‌స్ట్రీలో వ‌ర్గాల్లో ఈ సినిమాపై ప్ర‌త్యేక ఆస‌క్తి నెల‌కొంది. క‌న్న‌డ‌లో విడుద‌లై సూప‌ర్ హిట్ అయిన ల‌వ్ మాక్‌టైల్ ఆధారంగా గుర్తుందా శీతాకాలం చిత్రాన్ని తెరకెక్కిస్తున్నారు. ఇప్పటికే విడుదలైన టైటిల్ సాంగ్ కు అద్భుతమైన రెస్పాన్స్ వచ్చింది. అందులో సత్యదేవ్, తమన్నా కెమిస్ట్రీ ఈ పాటకు హైలైట్. ఈ పాట అభిమానులకే కాదు అందరికీ బాగా నచ్చేస్తుంది. సినిమాను జులై 15న విడుదల చేయబోతున్నట్లు అధికారికంగా ప్రకటించారు దర్శక నిర్మాతలు. సినిమాకు సంబంధించిన మరిన్ని వివరాలు త్వరలోనే తెలియజేయనున్నారు చిత్రయూనిట్.

స‌త్య‌దేవ్, త‌మ‌న్నా, కావ్య శెట్టి, మేఘా ఆకాష్, ప్రియద‌ర్శి త‌దిత‌రులు నటిస్తున్న ఈ చిత్రానికి స్కీన్ ప్లే, డైరెక్ష‌న్ నాగ‌శేఖ‌ర్, బ్యాన‌ర్ నాగశేఖ‌ర్ మూవీస్,
స‌మ‌ర్ప‌కులు ఎమ్ ఎస్ రెడ్డి, చిన‌బాబు, నిర్మాతలు భావ‌న ర‌వి, నాగ శేఖర్, రామారావు చింతపల్లి,
ప‌బ్లిసిటీ డిజైన‌ర్స్ అనిల్, భాను, కొరియోగ్రఫి వీజేశేఖ‌ర్, లైన్ ప్రొడ్యూస‌ర్స్ సంప‌త్, శివ ఎస్. య‌శోధ‌ర‌, ఎగ్జి క్యూటివ్ ప్రొడ్యూస‌ర్ న‌వీన్ రెడ్డి, డైలాగ్స్ ల‌క్ష్మీ భూపాల్, మ్యూజిక్ కాల‌భైర‌వ‌, ఎడిటిర్ కోట‌గిరి వెంక‌టేశ్వ‌ర‌రావు, సినిమాటోగ్రాఫ‌ర్ స‌త్య హెగ్డే, స్టంట్స్ వెంక‌ట్, PRO ఏలూరు శ్రీను, మేఘ‌శ్యామ్ లుగా వ్యవహరిస్తున్నారు.

సంబంధిత సమాచారం

తాజా వార్తలు