భిన్న కథాంశాలతో సినిమాలు నిర్మిస్తున్న సితార ఎంటర్ టైన్మెంట్స్ మరొక ఇట్రస్టింగ్ స్టోరీ తో మన ముందుకు వచ్చేందుకు సిద్దం అయ్యింది. తాజాగా సితార ఎంటర్ టైన్మెంట్స్ మరొక చిత్రాన్ని ప్రకటించారు. తామర అంటూ చిత్రం టైటిల్ ను అనౌన్స్ చేశారు. ఈ చిత్రానికి ప్రముఖ సినిమాటోగ్రఫీ రవి కే. చంద్రన్ దర్శకత్వం వహిస్తున్నారు.
అయితే ఇది తమ మొదటి ఇంటర్ నేషనల్ చిత్రం అంటూ చెప్పుకొచ్చారు. ఈ చిత్రానికి సూర్య దేవర నాగ వంశీ నిర్మాతగా వ్యవహరిస్తున్నారు. ఈ చిత్రం కి సంబంధించిన మరిన్ని విషయాలు త్వరలో వెల్లడి కానున్నాయి. ఈ బ్యానర్ నుండి విడుదల అయిన వరుడు కావలెను చిత్రం ప్రస్తుతం థియేటర్ల లో ప్రదర్షితం అవుతుంది. అంతేకాక పవన్ కళ్యాణ్, రానా దగ్గుపాటి లతో భీమ్లా నాయక్ ఈ బ్యానర్ పై నిర్మిస్తున్న సంగతి తెలిసిందే.