శివ కార్తికేయన్ హీరోగా, ప్రియాంక అరుల్ మోహన్ హీరోయిన్ గా నెల్సన్ దిలీప్ కుమార్ దర్శకత్వం లో తెరకెక్కిన చిత్రం డాక్టర్. ఈ చిత్రం ఈ నెల 9 వ తేదీన ప్రపంచ వ్యాప్తంగా విడుదల అయిన సంగతి అందరికీ తెలిసిందే. తమిళం లో పాటుగా, తెలుగు లో కూడా విడుదల అయి సూపర్ హిట్ టాక్ ను సొంతం చేసుకుంది. అయితే ఈ చిత్రం ప్రపంచ వ్యాప్తంగా ఇప్పటి వరకూ కూడా 60 కోట్ల రూపాయల కి పైగా వసూళ్లను రాబట్టింది. కరోనా వైరస్ మహమ్మారి తీవ్రత ఉన్నప్పటికీ ఈ తరహా వసూళ్లను రాబట్టడం మంచి పరిణామం అని చెప్పాలి.
ఈ సినిమా కి ప్రమోషన్స్ చాలా ప్లస్ అయ్యాయి అంటూ కొందరు చెబుతున్నారు. డాక్టర్ ఒక మంచి థ్రిల్లర్ మరియు కామెడీ ను కలిగి ఉండటం తో ప్రేక్షకులు, అభిమానులు బ్రహ్మరథం పడుతున్నారు. తమిళ ఎగ్జిబిటర్లు కలెక్షన్ల పట్ల సంతోషం వ్యక్తం చేస్తున్నారు.