అక్కినేని నాగచైతన్య, సాయి పల్లవి హీరోహీరోయిన్లుగా నటించిన లేటెస్ట్ మూవీ ‘తండేల్’ మరికొద్ది గంటల్లో ప్రేక్షకుల ముందుకు రానుంది. ఈ సినిమాను దర్శకుడు చందూ మొండేటి డైరెక్ట్ చేయగా, పూర్తి లవ్ స్టోరీ యాక్షన్ డ్రామాగా ఈ చిత్రాన్ని తెరకెక్కించారు. ఇక ఈ సినిమా థియేటర్లలో ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు.

అయితే, ‘తండేల్’ మూవీని థియేటర్లలో చూసే ప్రేక్షకులకు ఓ సాలిడ్ సర్‌ప్రైజ్ ఇవ్వనున్నాడు యంగ్ హీరో శ్రీవిష్ణు. ఆయన నటిస్తున్న నెక్స్ట్ మూవీకి సంబంధించిన టైటిల్ గ్లింప్స్‌ను ‘తండేల్’ రిలీజ్ అవుతున్న థియేటర్లలో రివీల్ చేయనున్నారు. SV18 అనే వర్కింగ్ టైటిల్‌తో తెరకెక్కుతున్న ఈ సినిమాను దర్శకుడు కార్తీక్ రాజు డైరెక్ట్ చేస్తున్నారు. ఇది పూర్తి యూత్‌ఫుల్ ఎంటర్‌టైనర్ మూవీగా రానున్నట్లు చిత్ర యూనిట్ చెబుతోంది.

ఇక ఈ సినిమాకు విశాల్ చంద్రశేఖర్ సంగీతం అందిస్తున్నారు. మెగా ప్రొడ్యూస్ అల్లు అరవింద్ గీతా ఆర్ట్స్ బ్యానర్‌పై ఈ సినిమాను సమర్పి్స్తున్నారు. దీంతో ఈ సినిమాకు ఎలాంటి టైటిల్ ఫిక్స్ చేస్తారా.. ఇందులో శ్రీవిష్ణు ఎలాంటి పర్ఫార్మెన్స్ ఇవ్వనున్నాడా అని అభిమానులు ఆసక్తిగా చూస్తున్నారు.