లారెన్స్ తనకు బాగా అచ్చొచ్చిన హర్రర్ సినిమాల జోనర్ ని వదలకుండా చేసిన ప్రయత్నం కాంచన 2 సూపర్ హిట్ అయ్యింది. గత శుక్రవారం విడుదలైన తమిళ వెర్షన్ కి విపరీతమైన క్రేజ్ సంతరించుకుంది. కలెక్షన్ ల విషయంలో పెద్ద సినిమాలకు ఏ మాత్రం తగ్గకపోవడం విశేషం.
నృత్య దర్శకుడి నుండి దర్శకుడిగా విజయం సాధించినందుకు లారెన్స్ పై ప్రముఖులు ప్రశంసల వర్షం కురిపించారు. దక్షిణాదిన స్టార్ డైరెక్టర్ లలో ఒకరైన శంకర్ ఈ సినిమాను చూసి ట్విట్టర్ లో ప్రశంసించాడు. తన నటనకు, తెరకెక్కించిన దాసోహమైనట్టు తెలిపాడు. కోవై సరళ నటన హై లైట్ అని చెప్పుకొచ్చారు. గత వెర్షన్ ని రజినీ ప్రశంసించిన సంగతి తెలిసినదే. గంగ చిత్రాన్ని బెల్లంకొండ సురేష్ నిర్మించారు.
