దక్షణాది హీరోయిన్లలో వయసు పెరిగే కొద్దీ జోరు పెంచుతున్న హీరోయిన్ త్రిష అనే చెప్పాలి. త్రిష వయసు ముప్పై దాటినా ఆమె వరుస చిత్రాలతో దూసుకుపోతోంది.ఈ ఏడాది ఇప్పటికే ఐదు చిత్రాలతో బిజీగా ఉన్న త్రిష మరో సినిమాని కుడా ప్రారంభించనుంది.

ఈ చిత్రానికి ఆసక్తి కరంగా ’96’ అనే టైటిల్ ని ఖరారు చేసారు. జూన్ 12 నుంచి ఈ చిత్ర షూటింగ్ ప్రారంభం కానుంది. ఈ చిత్రంలో విజయ సేతుపతి మరో ప్రధాన పాత్ర పోషిస్తున్నాడు. సి ప్రేమ్ కుమార్ దర్శకత్వంలో ఈ చిత్రం తెరకెక్కనుంది.త్రిష కెరీర్ లో ఇది 59 వ చిత్రం. ’96’ చిత్రం తోపాటు మరో త్రిష నటించిన మరో ఐదు చిత్రాలు 2017 లోనే విడుదల కానున్నాయి.