నవంబర్ 19 న థియేటర్ల లోకి వస్తోన్న “స్ట్రీట్ లైట్”

Published on Nov 9, 2021 6:00 am IST

మూవీ మాక్స్ బ్యానర్ పై తాన్య దేశాయ్, అంకిత్ రాజ్, కావ్య రెడ్డి, సీనియర్ హీరో వినోద్ కుమార్ నటీనటులుగా విశ్వ దర్శకత్వంలో ప్రముఖ నిర్మాత, డిస్ట్రిబ్యూటర్ అయిన శ్రీ మామిడాల శ్రీనివాస్ నిర్మించిన చిత్రం స్ట్రీట్ లైట్. ఈ చిత్రం నుండి విడుదలైన ట్రైలర్, టీజర్, పాటలకు ప్రేక్షకుల నుండి మంచి రెస్పాన్స్ వస్తుంది. అన్ని కార్యక్రమాలు పూర్తి చేసుకున్న ఈ చిత్రం తెలుగు లో నవంబర్ 19న థియేటర్స్ లో ప్రేక్షకులు ముందుకు రాబోతుంది.

ఈ సందర్భంగా చిత్ర నిర్మాత మామిడాల శ్రీనివాస్ మాట్లాడుతూ, “ఈ స్ట్రీట్ లైట్ సినిమాని సాంకేతిక కారణాల వల్ల నవంబర్ 19న థియేటర్లలలో రిలీజ్ చేస్తున్నాము. సినిమా చాలా బాగా వచ్చింది. మాకు ఓటిటి నుండి చాలా ఆఫర్స్ వచ్చాయి. సేవ్ థియేటర్స్ అనే కాన్సెప్ట్ తో థియేటర్స్ సేవ్ చేయాలని ఓటిటి లో కాకుండా థియేటర్స్ లో ఈ సినిమాను విడుదల చేస్తున్నాము. ఈ సినిమా ఒక రాత్రి స్ట్రీట్ లైట్ కింద చీకట్లో జరిగే సంఘటనలతో దర్శకుడు ఈ సినిమా అద్భుతంగా తెరకెక్కించారు. అందరూ ఈ సినిమా బూతు సినిమా అనుకుంటున్నారు. కానీ ఈ సినిమాలో అన్ని రకాల షేడ్స్ ఉన్నాయి. మంచి మెసేజ్ ఉన్న ఈ సినిమాను ఫ్యామిలీ అందరూ కలసి చూడవలసిన సినిమా ఇది. ప్రేక్షకులందరూ మా సినిమాను ఆదరించాలి” అని అన్నారు.

చిత్ర దర్శకుడు విశ్వ మాట్లాడుతూ, “స్ట్రీట్ లైట్ మూవీని మూవీ మాక్స్ పతాకంపై ప్రముఖ నిర్మాత మామిడాల శ్రీనివాస్ గారు నిర్మించారు. ఈ స్ట్రీట్ లైట్ సినిమాని నవంబర్ 19 న థియేటర్లలలో రిలీజ్ చేస్తున్నారు. ఈ సినిమా కథ విషయానికి వస్తే ఒక రాత్రి స్ట్రీట్ లైట్ కింద విభిన్న వ్యక్తుల వింత పోకడలను సునిశితమైన రీతిలో వినోదాత్మకంగా చూపిస్తూ, పగలు మంచివాళ్ళుగా చెలామణి అవుతూ రాత్రి కాగానే సెక్సువల్ పర్వషన్స్ తో ఏ విధంగా తమ క్రైమ్ లైఫ్ ని ఎంజాయ్ చేస్తూ అమాయకుల జీవితాలతో ఆటలాడుకుంటున్నారో, అందులో ఒక యువతికి జరిగిన అన్యాయానికి ఏ విధంగా ప్రతీకారం తీర్చుకుంది అనే రివెంజ్ డ్రామా కథాంశంతో స్ట్రీట్ లైట్ చిత్రం రూపొందించడం జరిగింది. మంచి మేకింగ్ వాల్యూస్ తో వైవిధ్య భరితమైన సినిమాను రూపొందించినందుకు సెన్సార్ సభ్యులు అభినందించారు. మంచి కాన్సెప్ట్ తో వస్తున్న ఈ చిత్రం అందరికీ తప్పకుండా నచ్చుతుంది” అని అన్నారు.

తాన్య దేశాయ్, అంకిత్ రాజ్, సీనియర్ హీరో వినోద్ కుమార్ , చిత్రం శ్రీను, ధన్రాజ్, షకలక శంకర్, ఈశ్వర్, కావ్య రెడ్డి, వైభవ్, కొండా బాబు, సాయి కీర్తన , Dr. పరమహంస, పవిత్ర బాలాజీ నాగలింగం తదితరులు నటిస్తున్న ఈ సినిమాకు
దర్శకత్వం విశ్వ అందిస్తుండగా, మామిడాల శ్రీనివాస్ ఈ చిత్రాన్ని నిర్మిస్తున్నారు. రవి సి కుమార్ సినిమాటోగ్రఫీ అందిస్తున్నారు. విరించి సంగీతం అందిస్తున్న ఈ చిత్రానికి ఎడిటర్ శివ వై ప్రసాద్, ఆర్ట్ ఎస్ శ్రీనివాస్, ఫైట్స్ నిఖిల్ గా వ్యవహరిస్తున్నారు.

సంబంధిత సమాచారం :