మెగా పవర్ స్టార్ రామ్ చరణ్ ప్రస్తుతం బుచ్చిబాబు సానా దర్శకత్వంలో రూపొందుతున్న ‘పెద్ది’ చిత్రంతో బిజీగా ఉన్నాడు. ఈ చిత్రం 2026, ఏప్రిల్ 30న ప్రపంచవ్యాప్తంగా విడుదలయ్యేందుకు సిద్ధమవుతోంది. ఇందులో జాన్వీ కపూర్ కథానాయికగా నటిస్తుండగా, కన్నడ స్టార్ శివరాజ్కుమార్, జగపతి బాబు మరియు దివ్యేందు శర్మ కీలక పాత్రలు పోషిస్తున్నారు. ‘ఉప్పెన’ వంటి భారీ విజయం తర్వాత బుచ్చిబాబు తెరకెక్కిస్తున్న సినిమా కావడంతో, ఆస్కార్ విజేత ఏఆర్ రెహమాన్ సంగీతం అందిస్తున్న ఈ ప్రాజెక్టుపై భారీ అంచనాలు నెలకొన్నాయి.
’పెద్ది’ చిత్రం తర్వాత రామ్ చరణ్ మళ్లీ సెన్సేషనల్ డైరెక్టర్ సుకుమార్తో జతకట్టనున్నాడు. గతంలో వీరిద్దరి కలయికలో వచ్చిన ‘రంగస్థలం’ ఇండస్ట్రీ హిట్గా నిలవడంతో, ఈ క్రేజీ కాంబినేషన్పై అప్పుడే అంచనాలు ఆకాశాన్ని తాకుతున్నాయి. ప్రస్తుతం సుకుమార్ ఈ ప్రాజెక్టుకు సంబంధించిన స్క్రిప్ట్ పనుల్లో నిమగ్నమై ఉన్నాడు. సినిమా జోనర్ కంటే కూడా రామ్ చరణ్ పాత్రను ఎలా మలచాలనే అంశంపైనే ఆయన పూర్తి దృష్టి పెట్టినట్లు తెలుస్తోంది.
ముఖ్యంగా ఈ చిత్రంలో రామ్ చరణ్ పాత్ర మునుపెన్నడూ చూడని విధంగా, చాలా వినూత్నంగా ఉండబోతోందని సమాచారం. గతంలో ‘ఆర్య’, ‘పుష్ప’ వంటి సినిమాలతో పాత్రల ద్వారానే ప్రేక్షకులను మాయ చేసిన సుకుమార్, ఇప్పుడు చరణ్ కోసం ఒక అద్భుతమైన రోల్ను సిద్ధం చేస్తున్నాడట. చరణ్ కెరీర్లోనే ఇది అత్యంత వైవిధ్యమైన పాత్రగా నిలుస్తుందని, ఆయన నటనతో ప్రేక్షకులను మెస్మరైజ్ చేయడం ఖాయమని ఫిల్మ్ నగర్ టాక్.
