టాలీవుడ్ స్టార్ హీరోల్లో ఒకరైన మెగాపవర్ స్టార్ రామ్ చరణ్ లేటెస్ట్ గా శంకర్ దర్శకత్వంలో నటిస్తున్న మూవీ గేమ్ ఛేంజెర్. కియారా అద్వానీ హీరోయిన్ గా నటిస్తున్న ఈ మూవీని శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తుండగా ఎస్ థమన్ సంగీతం అందిస్తున్న సంగతి తెలిసిందే. ప్రస్తుతం షూటింగ్ శరవేగంగా జరుపుకుంటున్న ఈ మూవీ పై మెగా ఫ్యాన్స్ తో పాటు నార్మల్ ఆడియన్స్ లో కూడా భారీ స్థాయి అంచనాలు నెలకొని ఉన్నాయి. అతి త్వరలో ఈ మూవీ నుండి ఒక్కొక్కటిగా అప్ డేట్స్ ని రీలీజ్ చేసేందుకు ప్లాన్ చేస్తోన్న యూనిట్, మూవీ రిలీజ్ విషయమై కూడా గట్టిగా కసరత్తు చేస్తున్నట్లు తెలుస్తోంది.
నిజానికి ఈ మూవీని రానున్న డిసెంబర్ లో లేదా వచ్చే ఏడాది సమ్మర్ లో రిలీజ్ చేయాలనేది టీమ్ ఆలోచన అట. మరోవైపు కమల్ హాసన్ తో శంకర్ తీస్తున్న ఇండియన్ 2 మూవీ కూడా ఆల్మోస్ట్ పూర్తి కావచ్చింది. దానితో ఇండియన్ 2 ని ఈ ఏడాది డిసెంబర్ లో లేదా వచ్చే ఏడాది సంక్రాంతి బరిలో నిలపాలి అనేది ఆ మూవీ నిర్మాతల ఆలోచన అట. అయితే ఇండియన్ 2 కి ఈ రెండిటిలో ఏదో ఒకటి ఫిక్స్ అయితే గేమ్ ఛేంజెర్ మూవీ సమ్మర్ కి వెళ్లే అవకాశం కూడా లేకపోలేదని అంటున్నారు. మరి గేమ్ ఛేంజెర్ మూవీ రిలీజ్ డేట్ పై పక్కాగా క్లారిటీ రావాలి అంటే మరికొన్నాళ్లు ఆగాల్సిందే అని తెలుస్తోంది.