ఆస్కార్స్ 2023: హోస్ట్ జిమ్మీ కిమ్మెల్ చేసిన వ్యాఖ్యల పై తెలుగు ఫ్యాన్స్ అసహనం!

ఆస్కార్స్ 2023: హోస్ట్ జిమ్మీ కిమ్మెల్ చేసిన వ్యాఖ్యల పై తెలుగు ఫ్యాన్స్ అసహనం!

Published on Mar 13, 2023 2:00 PM IST

దేశ వ్యాప్తంగా భారతీయులు బెస్ట్ ఒరిజినల్ సాంగ్ అవార్డు నాటు నాటుకి దక్కుతుంది అని వినడానికి ఎంతో ఆసక్తిగా ఎదురుచూస్తున్నారు. అయితే ఆస్కార్స్ 2023 హోస్ట్ జిమ్మీ కిమ్మెల్ చేసిన వ్యాఖ్యలు ఆన్‌లైన్‌లో వివాదాన్ని సృష్టించాయి. ఆస్కార్స్‌లో తన ప్రారంభ మోనోలాగ్ సందర్భంగా, జిమ్మీ కిమ్మెల్ మాగ్నమ్ ఓపస్ RRRని బాలీవుడ్ చిత్రంగా పేర్కొన్నాడు.

రాజమౌళి ప్రతిచోటా ఇంటర్వ్యూలలో ఈ చిత్రాన్ని తెలుగు భాషా భారతీయ చిత్రంగా ప్రమోట్ చేయడంతో ఇది తెలుగు సినిమా ప్రేక్షకుల అభిమానులను అసంతృప్తికి గురి చేసింది. ప్రపంచవ్యాప్తంగా కోట్లాది మంది హృదయాలను గెలుచుకున్న సినిమా మూలాలను తెలుసుకోవడంలో అకాడమీ ఇంత నిర్లక్ష్యంగా వ్యవహరిస్తోందని కొందరు నెటిజన్లు ప్రశ్నించారు. మరి ఈ వ్యాఖ్యలపై అకాడమీ, జిమ్మీ స్పందిస్తారా లేదా అనేది చూడాలి.

సంబంధిత సమాచారం

తాజా వార్తలు