డాక్టర్ రవికిరణ్ గడలి దర్శకత్వంలో ‘మెరూన్ వాటర్స్ ఎక్స్ లెన్స్” పతాకంపై డాక్టర్ ప్రతిమారెడ్డి నిర్మించిన సందేశభరిత వినోదాత్మక చిత్రం “రాంగ్ స్వైప్”. క్షణిక సుఖం కోసం పక్క దారి పడితే ఎటువంటి విపరిణామాలను ఎదుర్కోవలసి వస్తుందో ఎంటర్టైనింగ్ వేలో చూపించే ఈ ఇండిపెండెంట్ ఫిల్మ్ “ఊర్వశి ఓటిటి” ద్వారా నవంబర్ 1న విడుదల కానుంది.
డాక్టర్ అయిన రవికిరణ్ సినిమా మాధ్యమం పట్ల విపరీతమైన ప్యాషన్‌తో ఈ చిత్రానికి కథ, స్క్రీన్ ప్లే, సంభాషణలు స్వయంగా సమకూర్చుకుని, దర్శకత్వం వహించడంతో పాటు ఛాయాగ్రహణం కూడా అందించడం విశేషం. అంతేకాదు ఈ చిత్రంలో రవికిరణ్ ఓ ముఖ్య పాత్ర కూడా పోషించారు. డాక్టర్ ఉదయ్ రెడ్డి, డాక్టర్ శ్రావ్యనిక, రాధాకృష్ణ, అనికా ప్రేమ్ ముఖ్యపాత్రలు పోషించారు.
నిర్మాత డాక్టర్ ప్రతిమారెడ్డి మాట్లాడుతూ “లిమిటెడ్ బడ్జెట్‌తో తెరకెక్కిన ఈ చిత్రాన్ని మా డైరెక్టర్ డాక్టర్ రవికిరణ్ చాలా గొప్పగా తీర్చిదిద్దారని, అన్నీ తానే అయి ముందుండి సినిమాని నడిపించారని, మెసేజ్ కి ఎంటర్టైన్మెంట్ జోడించి రూపొందిన “రాంగ్ స్వైప్” అందరికి నచ్చుతుందనే నమ్మకం తమకు ఉందని, కబీర్ రఫీ సంగీతం ఈ చిత్రానికి ఆయువుపట్టు అని అన్నారు.