పవర్ స్టార్ పవన్ కళ్యాణ్ హీరోగా ప్రస్తుతం సాలిడ్ రీమేక్ భీమ్లా నాయక్ చేస్తున్న సంగతి తెలిసిందే. కానీ దానికన్నా ముందే విలక్షణ దర్శకుడు క్రిష్ జాగర్లమూడితో భారీ లెవెల్లో ప్లాన్ చేసిన చిత్రం “హరిహర వీరమల్లు”. నిజానికి మొదటి నుంచి ఈ సినిమాపై ఉన్న హైప్ ఇంకో స్థాయిలో ఉంది. అయితే దాదాపు 60 శాతం అలా కంప్లీట్ అయ్యిన ఈ చిత్రం విరామంలో ఉంది.
ఇక ఈ గ్యాప్ లో క్రిష్ మెగా సెన్సేషనల్ హీరో వైష్ణవ్ తో “కొండ పొలం” అనే సినిమాని కంప్లీట్ చేశారు. ఇక ఈ సినిమా ప్రమోషన్స్ లో వీరమల్లు షూట్ మళ్ళీ ఎప్పుడు నుంచి ఉంటుంది అనేదానిపై అప్డేట్ ఇచ్చారు. దాని ప్రకారం ఈ చిత్రం మళ్ళీ వచ్చే నవంబర్ రెండో వారం నుంచి షురూ కానుందట.
అంతే కాకుండా అనుకున్న సమయానికే ఈ చిత్రాన్ని భారీ లెవెల్లో రిలీజ్ చేస్తున్నట్టు తెలుస్తుంది. ఇక ఈ చిత్రంలో నిధి అగర్వాల్ హీరోయిన్ గా నటిస్తుండగా కీరవాణి సంగీతం అందిస్తున్నారు. అలాగే ఏ ఎం రత్నం భారీ బడ్జెట్ తో అత్యంత ప్రతిష్టాత్మకంగా నిర్మాణం వహిస్తున్నారు.