రిలీజ్ టైమ్ ఫిక్స్ చేసుకున్న ‘భాగమతి’ ట్రైలర్ !

8th, January 2018 - 10:42:45 AM

లేడీ సూపర్ స్టార్ అనుష్క నటిస్తున్న లేడీ ఓరియెంటెడ్ చిత్రం ‘భాగమతి’ షూటింగ్ పనుల్ని పూర్తిచేసుకుని ప్రస్తుతం పోస్ట్ ప్రొడక్షన్ దశలో ఉంది. చాన్నాళ్ల క్రితమే మొదలైన ఈ ప్రాజెక్ట్ మధ్యలో చిన్న చిన్న ఒడిదుడుకులు ఎదురైనా కూడా ఎట్టకేలకు చివరి దశకు చేరుకుంది. ‘బాహుబలి’ తర్వాత అనుష్క నుండి వత్సున్న లేడీ ఓరియెంటెడ్ చిత్రం కావడంతో ఈ సినిమాపై మంచి క్రేజ్ నెలకొంది ఉంది.

అనుష్క ఐఏఎస్ అధికారిగా కనిపించనుందని చెప్పబడుతున్న ఈ చిత్రం యొక్క ట్రైలర్ ఈ రోజు మధ్యాహ్నం 1 గంట 35 నిముషాలకు రిలీజ్ కానుంది. ఇది వరకే విడుదలైన టీజర్ ఆసక్తికరంగా ఉండటంతో ట్రైలర్ కోసం అందరూ ఆసక్తిగా ఎదురుచూస్తున్నారు. యువీ క్రియేషన్స్ బ్యానర్ నిర్మిస్తున్న ఈ చిత్రాన్ని ‘పిల్ జమిందార్’ ఫేమ్ అశోక్ డైరెక్ట్ చేస్తున్నారు. ఆది పినిశెట్టి, ఉన్ని ముకుందన్ లు కూడా పలు కీలక పాత్రలు చేస్తున్న ఈ చిత్రాన్ని 2018 జనవరి 26న రిలీజ్ చేయనున్నారు. —