ఈ ఏడాది వరుస సినిమాలతో తెలుగు ప్రేక్షకులను అలరించేందుకు వచ్చిన యంగ్ హీరో ఆది సాయి కుమార్ విరామం లేకుండా సినిమాలు చేస్తున్న మరో చిత్రాల్లో ఒకటి “టాప్ గేర్”. మరో యాక్షన్ థ్రిల్లర్ సినిమాగా ప్రేక్షకులను ఆకట్టుకోవడానికి రెడీ అయ్యిన ఈ చిత్రానికి చిత్రానికి కె. శశికాంత్ దర్శకత్వం వహిస్తుండగా శ్రీ ధనలక్ష్మి ప్రొడక్షన్స్ బ్యానర్ పై ఆదిత్య మూవీస్ & ఎంటర్‌టైన్‌మెంట్స్ సమర్పణలో కేవీ శ్రీధర్ రెడ్డి భారీ బడ్జెట్ తో నిర్మిస్తున్నారు.

ప్రస్తుతం ఈ చిత్ర ప్రమోషన్స్ చేప్పట్టిన మేకర్స్ ఇప్పటికే టాప్ గేర్ సినిమాకు సంబంధించి రిలీజ్ చేసిన అప్ డేట్స్ తో సూపర్ రెస్పాన్స్ అందుకున్నారు. టాప్ గేర్ మోషన్ పోస్టర్, ఫస్ట్ లుక్ పోస్టర్, రీసెంట్‌గా సిధ్ శ్రీరామ్ పాడిన వెన్నెల పాట ఇలా అన్నింటిపైనా పాజిటివ్ బజ్ క్రియేట్ అయింది. ఈ నేపథ్యంలోనే తాజాగా ఈ సినిమా టీజర్ రిలీజ్ చేశారు.

ఈ సినిమా టీజర్ ని హిట్ చిత్రాల దర్శకుడు మారుతి విడుదల చేశారు. ఒక నిమిషం 21 సెకనుల నిడివితో కట్ చేసిన ఈ టీజర్ లోని డైలాగ్స్, సన్నివేశాలు సినిమాపై క్యూరియాసిటీ పెంచేస్తున్నాయి. టాప్ గేర్ గేరేసి కారులో ఆది సాయి కుమార్ దూసుకుపోవడం, ఆయన్ను వెంబడిస్తున్న పోలీసులు, మధ్యలో ఫోన్ కాల్స్ సినిమాలో ఉన్న వైవిధ్యాన్ని బయటపెడుతున్నాయి. ఈ టీజర్ లో విజువల్స్ మేజర్ హైలైట్ కాగా.. హర్షవర్ధన్ రామేశ్వర్ అందించిన బ్యాక్ గ్రౌండ్ స్కోర్ ప్రధాన ఆకర్షణగా నిలిచాయి. చిత్రంలో ఎన్నో థ్రిల్లింగ్ ఎలిమెంట్స్ ఉన్నాయని ఈ టీజర్ స్పష్టం చేస్తోంది. దీంతో విడుదల చేసిన కాసేపట్లోనే ఈ టాప్ గేర్ టీజర్ వైరల్ గా మారింది.

టీజర్ రిలీజ్ చేసిన డైరెక్టర్ మారుతి.. చిత్రయూనిట్ మొత్తాన్ని ప్రత్యేకంగా అభినందించారు. టీజర్ చాలా బాగా కట్ చేశారని, టీజర్ చూస్తుంటేనే ఈ సినిమా ఎంత బాగా వచ్చిందో అర్థమవుతోందని చెబుతూ ఆల్ ది బెస్ట్ చెప్పారు. ఎన్నో హిట్ చిత్రాలకు కెమెరామెన్‌గా పని చేసిన సాయి శ్రీరామ్ ఈ సినిమాకు అద్భుతమైన విజువల్స్ అందించారు. హర్షవర్దన్ రామేశ్వర్ సంగీతం అందించారు.

ఇక ఈ చిత్రానికి టెక్నీషియన్స్ : కథ, స్క్రీన్ ప్లే, దర్శకత్వం: కె.శశికాంత్, సినిమాటోగ్రాఫర్: సాయి శ్రీరామ్, మ్యూజిక్: హర్షవర్ధన్ రామేశ్వర్, ఎడిటర్: ప్రవీణ్ పూడి, ఆర్ట్: రామాంజనేయులు, కాస్ట్యూమ్ డిజైనర్: మాన్వి, ఎగ్జిక్యూటివ్ ప్రొడ్యూసర్: గిరిధర్ మామిడిపల్లి, ప్రొడ్యూసర్: K. V. శ్రీధర్ రెడ్డి, బ్యానర్: శ్రీ ధనలక్ష్మి ప్రొడక్షన్స్, ప్రెజెంట్స్: ఆదిత్య మూవీస్ &ఎంటర్‌టైన్‌మెంట్స్, పీఆర్వో: సాయి సతీష్, పర్వతనేని వ్యవహరించారు.

టీజర్ కోసం ఇక్కడ క్లిక్ చెయ్యండి