‘టక్కర్’ యూనిక్ లవ్ స్టోరీ ఉన్న ఒక సినిమా – హీరో సిద్దార్థ్

‘టక్కర్’ యూనిక్ లవ్ స్టోరీ ఉన్న ఒక సినిమా – హీరో సిద్దార్థ్

Published on May 30, 2023 1:01 AM IST

గతంలో నువ్వొస్తానంటే నేనొద్దంటానా, బొమ్మరిల్లు వంటి బ్లాక్ బస్టర్ సినిమాలతో తెలుగు ప్రేక్షకుల హృదయాల్లో చెరగని స్థానాన్ని సంపాదించుకున్న చార్మింగ్ హీరో సిద్ధార్థ్ త్వరలో టక్కర్ అనే సినిమాతో సరికొత్తగా అలరించనున్నారు. ఈ సినిమాకి కార్తీక్ జి. క్రిష్ దర్శకత్వం వహిస్తున్నారు. పీపుల్ మీడియా ఫ్యాక్టరీ బ్యానర్ పై అభిషేక్ అగర్వాల్ ఆర్ట్స్, పాషన్ స్టూడియోస్ తో కలిసి టీజీ విశ్వప్రసాద్ ఈ సినిమాని గ్రాండ్ గా నిర్మిస్తున్నారు. వివేక్ కూచిభొట్ల సహ నిర్మాతగా వ్యవహరిస్తున్న ఈ సినిమాలో దివ్యాంశ కౌశిక్ కథానాయికగా నటిస్తున్నారు. 2023, జూన్ 9న తెలుగు, తమిళ భాషల్లో భారీస్థాయిలో ఈ సినిమా విడుదల కానుంది. కాగా తాజాగా ఈ సినిమా ప్రొమోషన్స్ లో భాగంగా నిర్వహించిన ప్రెస్ మీట్ లో యూనిట్ మాట్లాడారు. ఆద్యంతం సరదాగా జరిగిన టక్కర్ మీడియా మీట్ లో ముందుగా సహనిర్మాత వివేక్ కూచిబొట్ల మాట్లాడుతూ ఈ సినిమా మంచి కంటెంట్ తో తెరకెక్కినట్లు తెలిపారు. సిద్దార్థ్ గారు మంచి పెరఫార్మర్, ఈ సినిమా సిద్దార్థ్ గారికి మళ్ళీ ఆ స్థాయి హిట్ అవుతుంది. డైరెక్టర్ గారు ఈ సినిమాను చాలా బాగా తీసారు.

ఈ సినిమాతో మళ్ళీ మన పాత సిద్దార్థ్ గారిని చూస్తాం అన్నారు. దర్శకుడు కార్తిక్ జి క్రిష్ మాట్లాడుతూ నేను ఏ కంటెంట్ రాసినా ఈ సినిమా కంటెంట్ మాత్రం తెలుగు ప్రేక్షకులకు బాగా నచ్చుతుంది అని చాలామంది చెప్పారు. ఇప్పటివరకు సిద్దార్థ్ ను మీరు ఒక లవర్ బాయ్ గా చూసారు. సిద్దార్థ్ ని ఒక రగ్గడ్ లవర్ బాయ్ గా ఇందులో చూపించాను. ఈ సినిమా అన్ని సినిమాల మాదిరిగా కాకుండా కొంచెం కొత్తగా ఉండబోతుందన్నారు. ఈ సినిమాలో లవ్, కామెడీ, రొమాన్స్ అన్ని ఉంటాయి. ఇది న్యూ జనరేషన్ సినిమా అని చెప్పొచ్చు. అనంతరం హీరో సిద్దార్థ్ మాట్లాడుతూ, మీరు కంప్లీట్ కమర్షియల్ సినిమా చెయ్యొచ్చు కదా అని నన్ను చాలామంది అడుగుతుంటారు, దానికి సమాధానమే ఈ సినిమా అన్నారు. పూర్తి కమర్షియల్ సినిమాగా కార్తీక్ జి. క్రిష్ ఈ సినిమాను తెరకెక్కించాడు.

ఈ సినిమాలో నన్ను కార్తీక్ చాలా కొత్తగా చూపించాడు. యాక్షన్ అండ్ రొమాంటిక్ టచ్ తో ఈ లవ్ స్టోరీ నడుస్తుంది. ఈ ఆగస్టుకి హీరోగా 20 ఏళ్ల కెరియర్ ను పూర్తిచేసినట్టు అవుతుందన్నారు. ఇప్పటికీ నా చేతిలో ఓ అరడజను సినిమాలు ఉండటం ఆనందాన్ని కలిగిస్తోంది. మార్షల్ ఆర్ట్స్ నేర్చుకుని మరీ ఈ సినిమాలో యాక్షన్ సీన్స్ చేశాను. 35 రోజుల పాటు యాక్షన్ సీన్స్ తీయడం జరిగింది. ఈ సినిమాలో దివ్యాన్ష పాత్ర చాలా డిఫరెంట్ గా ఉంటుంది. ఈ సినిమా ఒక యూనిక్ లవ్ స్టోరీ. ఈ జనరేషన్ కి ఈ లవ్ స్టోరీ తప్పకుండా కనెక్ట్ అవుతుంది. అన్నారు. తదనంతరం పాత్రికేయులు అడిగిన పలు ప్రశ్నలకు చిత్ర యూనిట్ సమాధానాలు ఇచ్చింది. మరి జూన్ 9న గ్రాండ్ గా రిలీజ్ కానున్న టక్కర్ ఎంతమేర విజయం అందుకుంటుందో చూడాలి.

సంబంధిత సమాచారం

తాజా వార్తలు