ఏ,ఉపేంద్ర,రా వంటి చిత్రాలతో టాలీవుడ్ లో కూడా మంచి మార్కెట్ పెంచుకున్న కన్నడ స్టార్ హీరో ఉపేంద్ర సినిమాలు కొంత కాలంగా తెలుగులో రావడం చాలా అరుదైఆపోయింది. అల్లు అర్జున్ హీరోగా 2016లో వచ్చిన “సన్ ఆఫ్ సత్యమూర్తి” సినిమాలో ఉపేంద్ర ఓ కీలకపాత్ర చేయడం జరిగింది. ఐతే ఇటీవల ఆయన “ఐ లవ్ యూ” అనే రొమాంటిక్ ఎంటర్టైనర్ తో తెలుగు ప్రేక్షకులను పలకరించారు. ఐతే ఈ చిత్రం కన్నడలో పర్వాలేదు అనిపించినా తెలుగులో మాత్రం నిరాశపరిచింది. దర్శకుడు ఆర్. చంద్రు తెరకెక్కించిన ఈ చిత్రంలో రచితా రామచంద్రన్ హీరోయిన్ గా నటించారు.
కాగా తాజాగా ఈ చిత్రాన్ని అమెరికాలో విడుదల చేయడానికి చిత్ర యూనిట్ సన్నాహాలు చేస్తున్నారు. ఈ విషయాన్ని నటుడు ఉపేంద్ర తెలియపరిచారు. ఇండియాలో తెలుగు,కన్నడ భాషలలో విడుదలైన ఈ చిత్రాన్ని యూఎస్ లో విడుదల చేయలేదు. ఐతే ఇప్పుడు తెలుగు,కన్నడ భాషలలో అక్కడ ఈ నెల 19న గ్రాండ్ గా రిలీజ్ చేయనున్నారు. మరి యూఎస్ లో ఉపేంద్ర “ఐ లవ్ యూ” చిత్రం ఎంత వరకు విజయం సాధిస్తుందో చూడాలి.
