కోలీవుడ్ నటుడు సంగీత దర్శకుడు అలాగే దర్శకుడు కూడా అయినటువంటి విజయ్ ఆంటోనీకి తెలుగులో కూడా మంచి ఆదరణే ఉన్న సంగతి తెలిసిందే. అలా తను హీరోగా యంగ్ హీరోయిన్ మిర్నాలిని రవి హీరోయిన్ గా దర్శకుడు వినాయక్ వైద్యనాథన్ తెరకెక్కించిన లేటెస్ట్ చిత్రం “రోమియో”. మరి డీసెంట్ రెస్పాన్స్ ని తెలుగు, తమిళ్ లో ఈ సినిమా అందుకుంది. అయితే ఈ చిత్రం ఇప్పుడు ఓటీటీలో స్ట్రీమింగ్ కి వచ్చేసింది.
స్ట్రీమింగ్ యాప్స్ ఆహా అలాగే అమెజాన్ ప్రైమ్ వీడియో లలో ఈ చిత్రం నేటి నుంచి అందుబాటులోకి వచ్చింది. అయితే కేవలం తమిళ్ లో మాత్రమే సినిమా ఇప్పుడు వీటిలో అందుబాటులో ఉంది. “లవ్ గురు” గా తెలుగులో రిలీజ్ కాగా ఈ వెర్షన్ ఇంకా ఓటీటీలో రాలేదు. మరి దీనిపై ఇంకా క్లారిటీ రావాల్సి ఉంది. ఇక ఈ చిత్రానికి భరత్ ధనశేఖర్ సంగీతం అందించగా మీరా ఆంటోనీ నిర్మాణం వహించారు.
