లోక నాయకుడు కమల్ హాసన్ హీరోగా మక్కల్ సెల్వన్ విజయ్ సేతుపతి అలాగే ఫహద్ ఫాజిల్ ఇంకా స్టార్ హీరో సూర్య లు కీలక పాత్రల్లో నటించిన లేటెస్ట్ చిత్రం “విక్రమ్ హిట్ లిస్ట్”. దర్శకుడు లోకేష్ కనగ్ రాజ్ తెరకెక్కించిన ఈ సాలిడ్ యాక్షన్ డ్రామా మన తెలుగులో కూడా భారీ హిట్ అయ్యింది.
ఈ ఏడాదికి అయితే ఇప్పటి వరకు తమిళ్ నుంచి తెలుగులోకి వచ్చిన చిత్రాల్లో హైయెస్ట్ గ్రాసర్ గా నిలిచి ఇంకా మంచి వసూళ్లను అందుకుంటూ దూసుకెళ్తుంది. అయితే లేటెస్ట్ గా ఈ సినిమా తెలుగులో 25 కోట్ల గ్రాస్ సాలిడ్ మార్క్ ని క్రాస్ చేసినట్టుగా సినీ వర్గాలు చెబుతున్నాయి.
చాలా కాలం తర్వాత కమల్ సినిమాకి మన తెలుగులో ఇదే అత్యధికం అని చెప్పాలి. మై ఫైనల్ రన్ లో అయితే ఈ చిత్రం ఎక్కడ ఆగుతుందో చూడాల్సిందే. ఇక ఈ సినిమాకి అనిరుద్ సంగీతం అందించగా కమల్ మరియు మహేంద్రన్ లు నిర్మాణం వహించారు.