కమల్ హాసన్ హీరోగా మక్కల్ సెల్వన్ విజయ్ సేతుపతి అలాగే ఫహద్ ఫాజిల్ లాంటి నటులు కీలక పాత్రల్లో సూర్య స్పెషల్ క్యామియో లో నటించిన లేటెస్ట్ చిత్రం “విక్రమ్” కోసం అందరికీ తెలిసిందే. దర్శకుడు లోకేష్ కనగ్ రాజ్ తెరకెక్కించిన ఈ లేటెస్ట్ భారీ యాక్షన్ థ్రిల్లర్ అంచనాలకు మించి సెన్సేషనల్ హిట్ కాగా ఇంకా తమిళ నాట సాలిడ్ థియేట్రికల్ రన్ ని కొనసాగిస్తోంది.
అయితే ఈ సినిమా ఓటిటి రిలీజ్ పట్ల గత కొన్ని రోజులు నుంచి కొన్ని వార్తలు వినిపిస్తూ వస్తున్నాయి. జూలై 8 నుంచి స్ట్రీమింగ్ లేదా అంతకు ముందే స్ట్రీమింగ్ అంటూ పలు వార్తలు వినిపించగా వీటిలో అయితే ఫైనల్ గా ముందు వినిపించిన డేట్ జూలై 8 నే డిస్నీ+ హాట్ స్టార్ లో ఈ చిత్రం స్ట్రీమింగ్ కి రాబోతున్నట్టు తెలుస్తుంది. సినిమా రిలీజ్ అయ్యిన అన్ని భాషల్లో ఈ చిత్రం స్ట్రీమింగ్ కి రాబోతుందట. ఇక ఈ చిత్రానికి అనిరుద్ సంగీతం అందివ్వగా కమల్ మరియు ఆర్ మహేంద్రన్ లు నిర్మాణం వహించిన సంగతి తెలిసిందే.