యాక్షన్ హీరో విశాల్ ఇటీవల పలు విభిన్న కాన్సెప్ట్ సినిమాలతో ప్రేక్షకాభిమానుల ముందుకి వచ్చి మంచి సక్సెస్ లతో కొనసాగుతున్న సంగతి తెలిసిందే. ఇక లేటెస్ట్ గా ఆయన చేస్తున్న భారీ యాక్షన్ మూవీ లాఠీ. రానా ప్రొడక్షన్స్ బ్యానర్ పై ఏ వినోద్ తెరకెక్కిస్తున్న ఈ యాక్షన్ మూవీలో విశాల్ ఒక కానిస్టేబుల్ పాత్రలో కనిపించనున్నారు. ఇప్పటికే రిలీజ్ అయిన ఈ మూవీ యొక్క పోస్టర్స్, ఫస్ట్ లుక్ టీజర్ అందరినీ ఆకట్టుకుని మూవీ పై మంచి అంచనాలు ఏర్పరిచాయి.
తెలుగు, తమిళ్, హిందీ, మలయాళం, కన్నడ భాషల్లో విడుదల కానున్న ఈ పాన్ ఇండియా మూవీలో విశాల్ సరసన సునయన హీరోయిన్‌గా నటిస్తోంది. అయితే విషయం ఏమిటంటే, లాఠీ థియేట్రికల్ ట్రైలర్ ని డిసెంబర్ 12 న సాయంత్రం 5 గంటలకు రిలీజ్ చేస్తున్నట్లు కొద్దిసేపటి క్రితం మేకర్స్ అఫీషియల్ గా అనౌన్క్ చేసారు. రమణ, నంద నిర్మాతలుగా వ్యవహరిస్తున్న ఈ మూవీకి యువన్ శంకర్ రాజా మ్యూజిక్ అందిస్తుండగా అతి త్వరలో దీనిని భారీ స్థాయిలో థియేటర్స్ లో ప్రేక్షకుల ముందుకి తీసుకువచేదుకు సిద్ధం అవుతోంది యూనిట్.