మాస్ కా దాస్ విశ్వక్ సేన్ నటిస్తున్న లేటెస్ట్ మూవీ ‘లైలా’ ఇప్పటికే శరవేగంగా షూటింగ్ జరుపుకుంటోంది. ఈ సినిమాలో విశ్వక్ తొలిసారి లేడీ గెటప్లో కనిపించబోతున్నాడు. దీంతో ఈ సినిమా ఎలా ఉండబోతుందా అనే ఆసక్తి అందరిలో నెలకొంది. ఇక ఈ సినిమా నుంచి సంక్రాంతి కానుకగా ఓ సాలిడ్ అప్డేట్ అయితే ఇచ్చేందుకు మేకర్స్ సిద్ధమయ్యారు.
లైలా మూవీ టీజర్ను రిలీజ్ చేసేందుకు చిత్ర యూనిట్ రెడీ అయ్యింది. దీంతో ఈ టీజర్ ఎప్పుడు రిలీజ్ చేయబోతున్నారనే అనౌన్స్మెంట్ను సంక్రాంతి రోజున ప్రకటించనున్నారు. ఈ టీజర్ అనౌన్స్మెంట్ను జనవరి 14న ఉదయం 10.08 గంటలకు చేయబోతున్నట్లు మేకర్స్ వెల్లడించారు.
ఇక ఈ సినిమాలో విశ్వక్ నటన ప్రేక్షకులను ఆకట్టుకునే విధంగా ఉండబోతుందని చిత్ర యూనిట్ ధీమా వ్యక్తం చేస్తోంది. ఈ సినిమాలో ఆకాంక్ష శర్మ హీరోయిన్గా నటిస్తుండగా రామ్ నారాయణ్ ఈ చిత్రాన్ని డైరెక్ట్ చేస్తున్నాడు. లియోన్ జేమ్స్ ఈ మూవీకి సంగీతాన్ని అందిస్తున్నాడు.