గ్లోబల్ స్టార్ రామ్ చరణ్ ప్రస్తుతం దర్శకుడు బుచ్చిబాబు సానా డైరెక్షన్‌లో ఓ స్పోర్స్ట్ బ్యాక్‌గ్రౌండ్ మూవీలో నటిస్తున్నాడు. ఈ సినిమాలో చరణ్ సరికొత్త మేకోవర్‌తో కనిపించనున్నాడు. ఇక ఈ సినిమా తర్వాత రామ్ చరణ్ తన నెక్స్ట్ మూవీని క్రియేటివ్ జీనియస్ సుకుమార్ డైరెక్షన్‌లో ఓ సినిమా చేయనున్నాడు. అయితే, ఇటీవల రామ్ చరణ్ నెక్స్ట్ మూవీ పై ఓ సాలిడ్ బజ్ వినిపించింది.
బాలీవుడ్ దర్శకుడు నిఖిల్ నగేష్ భట్ డైరెక్షన్‌లో ఓ భారీ మైథలాజికల్ చిత్రంలో రామ్ చరణ్ నటించబోతున్నాడనే టాక్ తెగ వైరల్ అయ్యింది. అయితే, ఈ కాంబినేషన్ ఇప్పటికే సెట్ అయ్యిందని.. త్వరలోనే అఫీషియల్ అనౌన్స్‌మెంట్ కూడా రానుందనే వార్తలు వినిపించాయి. కానీ, ఈ వార్తలపై దర్శకుడు నిఖిల్ నగేష్ క్లారిటీ ఇచ్చేశాడు. తాను రామ్ చరణ్‌తో ఎలాంటి మైథలాజికల్ చిత్రాన్ని రూపొందించడం లేదని ఆయన స్పష్టం చేశాడు.
ఈ వార్తతో రామ్ చరణ్ ఫ్యాన్స్ నిరాశకు లోనయ్యారు. దీంతో ఇప్పుడు రామ్ చరణ్ మైథలాజికల్ ప్రాజెక్ట్ కలను ఎవరు నెరవేరుస్తారా.. అనేది ఆసక్తికరంగా మారింది. అయితే, సుకుమార్‌తో చరణ్ చేయబోయే సినిమా ఎలాంటి నేపథ్యంలో వస్తుందో.. ఆయన తర్వాత చరణ్ ఎవరితో సినిమా చేస్తాడో అనేది అభిమానుల్లో హాట్ టాపిక్‌గా మారింది.