జపాన్‌లో నానీ మూవీ రిలీజ్.. వర్కవుట్ అవుతుందా..?

జపాన్‌లో నానీ మూవీ రిలీజ్.. వర్కవుట్ అవుతుందా..?

Published on Feb 5, 2025 4:01 PM IST

న్యాచురల్ స్టార్ నాని, దర్శకుడు వివేక్ ఆత్రేయ కాంబినేషన్‌లో తెరకెక్కిన ‘సరిపోదా శనివారం’ బాక్సాఫీస్ దగ్గర బ్లాక్‌బస్టర్ హిట్‌గా నిలిచింది. ఈ సినిమా పూర్తి యాక్షన్ ఎంటర్‌టైనర్‌గా తెరకెక్కిన తీరు ప్రేక్షకులను ఆకట్టుకుంది. ఇక ఈ సినిమాలోని పాటలు, బీజీఎం కూడా ఆడియెన్స్‌ను అలరించింది. టాలీవుడ్‌లో ఈ సినిమా మంచి వసూళ్లను కూడా రాబట్టింది.

అయితే, ఇప్పుడు ఈ సినిమా ఏకంగా వేరే దేశంలో రిలీజ్‌కు రెడీ అయ్యింది. ఫిబ్రవరి 14న ఈ సినిమాను జపాన్‌లో రిలీజ్ చేస్తున్నట్లు మేకర్స్ వెల్లడించారు. అయితే ఫక్తు కమర్షియల్ అంశాలతో తెరకెక్కిన ఈ సినిమా జపాన్‌లో ఎంతమేర ఆడుతుందనేది ఆసక్తికరంగా మారింది. ఒక రొటీన్ రివెంజ్ డ్రామాగా తెరకెక్కినా, టాలీవుడ్ ప్రేక్షకులను ఆకట్టుకునే మాస్ అంశాలు ఇందులో ఉన్నాయి. దీంతో ఈ సినిమా మన దగ్గర సక్సెస్ అందుకుంది.

మరి జపాన్ దేశంలో ఈ మూవీ అక్కడి ప్రేక్షకులను ఆకట్టుకోగలదా.. అనేది వేచి చూడాలి. ఇక ఈ సినిమాతో నాని ఇప్పుడు యూనివర్సల్ ఆడియెన్స్‌కు మరింత దగ్గర కానున్నాడు అని చెప్పాలి.

సంబంధిత సమాచారం

తాజా వార్తలు