కన్నడ సూపర్ స్టార్ యష్ హీరోగా, గీతూ మోహన్ దాస్ దర్శకత్వంలో తెరకెక్కుతున్న చిత్రం ‘టాక్సిక్: ఏ ఫెయిరీ టేల్ ఫర్ గ్రోన్ అప్స్’. జూన్ 4, 2026న విడుదల కానున్న ఈ సినిమాపై ఇప్పటికే భారీ అంచనాలు నెలకొన్నాయి. కేవలం కన్నడలోనే కాకుండా, పాన్ ఇండియా స్థాయిలో ప్రకంపనలు సృష్టించేందుకు ఈ మూవీ రెడీ అవుతోంది.
లాస్ వెగాస్లో జరిగిన ‘సినిమాకాన్ 2026’లో యష్ ఈ సినిమా ప్లాట్ కి సంబంధించి ఆసక్తికరమైన విషయాలను పంచుకున్నాడు. పోర్చుగీస్ పాలనలో ఉన్న స్వాతంత్ర్య కాలం నాటి గోవా నేపథ్యంలో సాగే తండ్రీకొడుకుల రివెంజ్ డ్రామాగా ఇది రూపొందుతోంది. ఇది అభిమానుల్లో తీవ్ర ఉత్కంఠను రేకెత్తిస్తోంది.
ఈ చిత్రంలో కియారా అద్వానీ, నయనతార, హుమా ఖురేషి, టోవినో థామస్ వంటి స్టార్స్ కీలక పాత్రలు పోషిస్తున్నారు. రవి బస్రూర్, తనిష్క్ బాగ్చీ మరియు ఫహీమ్ అబ్దుల్లా సంగీతం అందిస్తున్న ఈ చిత్రం, భారీ అంచనాలతో ప్రపంచవ్యాప్తంగా ప్రేక్షకులను అలరించడానికి సిద్ధమవుతోంది.
