రాశి ఖన్నా వరుసగా క్రేజీ ఆఫర్ లని అందుకుంటోంది. రాశి ఖన్నా నటించిన జై లవకుశ చిత్రం విడుదలకు సిద్ధం అవుతోన్న విషయం తెలిసిందే. కాగా రాశిఖన్నా రవితేజ చిత్రం రాజా ది గ్రేట్ లో స్పెషల్ సాంగ్ లో మెరవబోతోంది. ఈ సాంగ్ షూటింగ్ ఇప్పటికే పూర్తయింది. జై లవకుశ ప్రమోషన్ కార్యక్రమాల్లో పాల్గొంటున్న రాశి ఖన్నా ఆ సాంగ్ గురించి ఆసక్తి కరమైన విషయం వెల్లడించింది.
స్పెషల్ సాంగ్ కోసం తాను ఎలాంటి రెమ్యునరేషన్ తీసుకోలేదని చెబుతోంది. దర్శకుడు అనిల్ రావిపూడి తనకు మంచి స్నేహితుడని అతడి కోసమే ఆ సాంగ్ చేశానని చెబుతోంది. ఈ సాంగ్ రాజా ది గ్రేట్ చిత్రంలో హైలైట్ కానున్నట్లు తెలుస్తోంది.