టాలీవుడ్ యంగ్ డైరెక్టర్ వెంకటేష్ మహా, కేర్ ఆఫ్ కంచెరపాలెం చిత్రం తో అందరి దృష్టి ఆకర్షించారు. ఈ చిత్రం విడుదలకు ముందు చాలా మందికి తెలియని చిన్న సినిమా. కానీ చిత్ర దర్శకుడు వెంకటేష్ మహా తన మ్యాజికల్ కంటెంట్‌తో అందరినీ ఆశ్చర్యపరిచాడు. ఈ చిత్రం అందరి నుండి ప్రశంసలు అందుకుంది.
ఈరోజు అల్లు శిరీష్ హీరోగా నటించిన ఊర్వశివో రాక్షశివో చిత్రం ప్రీ రిలీజ్ ఈవెంట్‌లో ఈ యంగ్ డైరెక్టర్ బాలకృష్ణతో కలిసి పని చేయాలనే కోరికను వ్యక్తం చేశాడు. ఏదో ఒకరోజు స్టార్ హీరో బాలకృష్ణ తో సినిమా చేస్తానని చెప్పాడు. మరి అలా జరుగుతుందో లేదో చూడాలి. C/O కంచెరపాలెం చిత్రం తర్వాత వెంకటేష్ మహా దర్శకత్వం వహించిన ఉమా మహేశ్వర ఉగ్ర రూపస్య చిత్రం కూడా మంచి ప్రశంసలను అందుకుంది. అతను నేచురల్ స్టార్ నానితో కలిసి పని చేస్తాడని కొన్ని పుకార్లు వచ్చాయి. అయితే వాటికి సంబంధించిన అధికారిక ప్రకటన ఏమీ రాలేదు.