విడుదల తేదీ : 14 జనవరి 2016
123తెలుగు.కామ్ రేటింగ్ : 3.25/5
దర్శకత్వం : శ్రీవాస్
నిర్మాత : శ్రీవాస్ – ఎరోస్ ఇంటర్నేషనల్
సంగీతం : ఎస్ఎస్ తమన్
నటీనటులు : బాలకృష్ణ, అంజలి, సోనాల్ చౌహాన్, అక్ష ..
ఇప్పటి వరకూ సంక్రాంతి సీజన్ లో ఎన్నో సూపర్ హిట్ సినిమాలను అందించిన నందమూరి బాలకృష్ణ నటించిన 99వ సినిమా ‘డిక్టేటర్’. బాలకృష్ణ బాడీ లాంగ్వేజ్ మరియు ఇమేజ్ కి తగిన పర్ఫెక్ట్ స్టొరీ తో చేసిన ఈ స్త్య్కిష్ యాక్షన్ ఎంటర్టైనర్ కి శ్రీవాస్ డైరెక్టర్. బాలయ్య సరసన అంజలి, సోనాల్ చౌహాన్, అక్ష హీరోయిన్స్ గా నటించిన ఈ సినిమా భారీ అంచనాల నడుమ ఈ రోజు ప్రేక్షకుల ముందుకు వచ్చింది. మరి ఈ స్టైలిష్ డిక్టేటర్’తో బాలకృష్ణ మరో సంక్రాంతి హిట్ ని తన ఖాతాలో వేసుకున్నాడా లేదా అనేది ఇప్పుడు చూద్దాం..
కథ :
హైదరాబాద్ లోని ధర్మ గ్రూప్ ఆఫ్ కంపెనీస్ కి సంబందించిన ఓ సూపర్ మార్కెట్ లో పనిచేస్తూ ఉంటాడు ధర్మ(బాలకృష్ణ). తన పని తానూ చేసుకుపోతూ, గొడవలకి దూరంగా చాలా శాంతంగా ఉండే ధర్మ కాత్యాయని(అంజలి) వాళ్ళ ఇంట్లో ఉంటాడు. ధర్మ – కత్యాయానికి పెళ్లై ఉంటుంది కానీ కాత్యాయని ఉద్యోగరిత్యా వేరే ప్లచె లో ఉంటుంది. దాంతో కాత్యాయని ఇంటి బాధ్యత మొత్తాన్ని ధర్మ చూసుకుంటూ ఉంటాడు. అలా సాగిపోతున్న లైఫ్ లోకి అనుకోకుండా ఇందు(సోనాల్ చౌహాన్) ప్రవేశిస్తుంది. ఇందు వాళ్ళ అన్నయ్య వలన డ్రగ్ డీలర్ అయిన విక్కీ(విక్రమ్ జీత్) గ్యాంగ్ నుంచి ఇందుకి ఓ సమస్య వస్తుంది.
ఇందుని కిడ్నాప్ చేసి తన అన్నయ్య కోసం చిత్ర హింసలు పెడతారు. కట్ చేస్తే ఇందుని కాపాడటానికి ధర్మ వస్తాడు. మొదట మంచిగా చెప్తే వినకపోవడంతో అతను తనలోని రౌద్ర రూపాన్ని బయప పెట్టి అందరినీ చితకబాది ఇందుని సేవ్ చేస్తాడు. ఆ ఇన్సిడెంట్ ద్వారా టీవీలో ధర్మని చూసిన ధర్మ గ్రూప్ అఫ్ కంపనీ ఎండి రాజేసేఖర్(సుమన్) వెంటనే ఢిల్లీ నుంచి హైదరాబాద్ వస్తాడు. అందరూ ధర్మని నిలదీస్తున్న టైంలో రాజశేఖర్ తనే డిక్టేటర్ అని పరిచయం చేస్తాడు. దాంతో కథలో అసలైన ట్విస్ట్. ఆ ట్విస్ట్ ఏంటి? డైరెక్టర్ గా ధర్మ కథ ఏంటి? ఎందుకు అతను ధర్మగా మారాల్సి వచ్చింది? అసలు డిక్టేటర్ ఏం చేసేవాడు? అనే విషయాలను మీరు వెండితెరపై చూసి తెలుసుకోవాల్సిందే.
ప్లస్ పాయింట్స్ :
నందమూరి బాలకృష్ణ సినిమా అనగానే అభిమానులతో పాటు తెలుగు సినిమా ప్రేక్షకులు పవర్ఫుల్ పాత్రతో పాటు, బలమైన యాక్షన్ సీన్స్, పంచ్ డైలాగ్స్, నువ్వా – నేను అంటూ హీరోకి – విలన్ కి మధ్య సాగే ఆసక్తికర పోరును ఆశిస్తారు. ఇలా థియేటర్ కి వచ్చిన ప్రతి ఒక్కరి అంచనాలను వమ్ము చేయకుండా వారికి కావలసిన అన్ని అంశాలను సమపాళ్ళలో దట్టించి తీసిన సినిమానే ఈ ‘డిక్టేటర్’. ఫస్ట్ హాఫ్ లో ప్రీ ఇంటర్వల్ బ్లాక్, ఇంటర్వెల్ ఎపిసోడ్ లో హీరోయిజం ఎలివేట్ చేసిన యాక్షన్ ఎపిసోడ్స్ బాగున్నాయి. ఆ తర్వాత కథ ఫ్లాష్ బ్యాక్ మోడ్ లోకి వెళ్ళడం, అక్కడ అసలైన డిక్టేటర్ గురించి చెప్పడం మరియు డిక్టేటర్ పాత్రకి రతి అగ్నిహోత్రి, నవాబ్ షా పాత్రలకి మధ్య జరిగే పోటా పోటీ సీన్స్ ఆడియన్స్ లో మంచి ఊపు తెస్తాయి. పవర్ఫుల్ డిక్టేటర్ పాత్ర ఈ సినిమాకి మేజర్ హైలైట్. ఫస్ట్ హాఫ్ అటు ఇటుగా జరిగినా.. సెకండాఫ్ మాత్రం సూపర్ ఫాస్ట్ స్క్రీన్ ప్లే తో బాలయ్య మార్క్ దబిడి దిబిడే ఫార్మాట్ లో ఉండడం సినిమాకి పెద్ద హెల్ప్ అయ్యింది.
నందమూరి బాలకృష్ణ పవర్ఫుల్ పెర్ఫార్మన్స్ ఈ సినిమాని నిల బెట్టింది. ఇందులో బాలకృష్ణ రెండు విభిన్నమైన షేడ్స్ ఉన్న పాత్ర పోషించాడు. అందులో మొదటి పాత్రలో చూడటానికి సింపుల్ అండ్ కూల్ గా కనిపించాడు. ఈ పాత్రలో పబ్ ఫైట్ లో యాక్షన్, డైలాగ్స్ తో అభిమానుల చేత విజిల్స్ కొట్టిస్తాడు. ఇక అసలైన డిక్టేటర్ పాత్రలో బాలకృష్ణ మునుపెన్నడూ కనపడననత స్టైలిష్ గా కనిపించడమే కాకుండా.. పవర్ఫుల్ డైలాగ్స్ తో, విలన్స్ ని నువ్వా నేనా అంటూ ఢీ కొట్టిన తీరు సింప్లీ సూపర్బ్. చాలా కాలం తర్వాత బాలయ్య సూపర్ స్టైలిష్ గా కనిపించడం కూడా సినిమాకి కొత్తదనాన్ని అందించింది. అంజలి హీరోతో కలిసి రొమాన్స్ చేయడమే కాకుండా పాత్రకి ప్రాధాన్యత ఉన్న పాత్రలో కూడా మెప్పించింది. సెకండాఫ్ లో కథకి మంచి బలాన్ని చేకూర్చే పాత్రలో అంజలి మంచి నటనని కనబరచడమే కాకుండా కామెడీ, ఎమోషనల్ గా కూడా బాగా చేసింది. ఇక సోనాల్ చౌహాన్ ఫస్ట్ హాఫ్ కి గ్లామర్ అట్రాక్షన్ తీసుకొచ్చిన పాత్ర, ఫస్ట్ హాఫ్ లో తన అందాల ఆరబోత మాస్ ఆడియన్స్ కి మస్త్ అనిపిస్తుంది.
ఇక సినిమాలో ముఖ్య పాత్రలు చేసిన అక్ష, నాజర్, సుమన్, సాయాజీ షిండే తదితరులు తమ తమ పాత్రల్లో మెప్పిస్తే.. 30 ఇయర్స్ పృధ్వీ, ప్రభాస్ శ్రీను, పోసాని క్రిష్ణమురళీ, శకలక శంకర్ లాంటి వాళ్ళు చేసిన కామెడీ కొన్ని కొన్ని చోట్ల నవ్విస్తుంది. ఓవరాల్ గా ఫస్ట్ హాఫ్ లో కూసింత కామెడీ, బాలయ్య మార్క్ ఇంటర్వల్ బ్లాక్ ఆకట్టుకుంటే సెకండాఫ్ లో బాలయ్య ఒక్కడే డిక్టేటర్ పాత్రలో ఒంటి చేత్తో సినిమాని చాలా పవర్ఫుల్ గా నడిపించడం ఈ సినిమాకి బిగ్గెస్ట్ ప్లస్ పాయింట్స్. శ్రద్ధ దాస్ – ముమైత్ ఖాన్ లతో చేసిన ఐటమ్ సాంగ్ మాస్ ఆడియన్స్ కి స్పెషల్ ట్రీట్ అని చెప్పాలి.
మైనస్ పాయింట్స్ :
డిక్టేటర్ సినిమాకి మైనస్ పాయింట్స్ లో మొదటగా చెప్పుకోవాల్సింది.. ఫస్ట్ హాఫ్ అనేది చాలా స్లోగా ఉండడం అలాగే అక్కడక్కడా కామెడీ, ఇంటర్వల్ బ్లాక్ ఉన్నా కథా పరంగా అస్సలు ముందుకు వెళ్లకపోవడం వలన అక్కడక్కడా బోర్ కొడుతుంది. కొన్ని చోట్ల కామెడీ కోసమే కథని ఎక్కువ సాగదీస్తున్నారు అనే ఫీలింగ్ కూడా వస్తుంది. ఇక అసలు కథ విషయంలోకి వస్తే కథా పరంగా సూపర్ స్ట్రాంగ్ పాయింట్ లేదు. కేవలం డిక్టేటర్ అనే ఒక్క పాత్రనే హైలైట్ చెయ్యాలని కథ రాసుకున్నారు. అందుకే సినిమా కథ అనేది ఇంకా స్ట్రాంగ్ గా ఉండే బాగుండేది అనే ఫీలింగ్ కలిగిస్తుంది. కథలో జరిగిన మరో పొరబాటు విలనిజం స్ట్రాంగ్ గా లేకపోవడం. డిక్టేటర్ లాంటి పవర్ఫుల్ పాత్ర రాసుకున్నప్పుడు విలన్ అనే పాత్ర చాలా స్ట్రాంగ్ గా ఉండాలి. కానీ విలన్స్ గా రతి అగ్నిహోత్రి, నవాబ్ షా మరియు కబీర్ దుహన్ సింగ్ పాత్రలలో ఆ స్ట్రాంగ్ నెస్ లేదు. అదీకాక డిక్టేటర్ లాంటి పాత్రకి లేడీ విలన్ ని పెట్టడం కూడా మరో మైనస్.
కథ ఇలా ఉంది అంటే కథనం అన్నా బాగుండాలి. కానీ కథనం కూడా చాలా సింపుల్ గా ఉంది.. కథలో ఎలాంటి ట్విస్ట్ లు లేవు.. చాలా ఫ్లాట్ గా వెళ్తుంది. దానికి తోడూ నేరేషన్ కూడా చాలా స్లోగా ఉండడం వలన చాలా చోట్ల బోరింగ్ గా కూడా ఉంటుంది. ఇక సెకండాఫ్ లో ఫ్లాష్ బ్యాక్ ఎపిసోడ్ తర్వాత సినిమా మొత్తం ఊహాజనితంగా మారుతుంది. ఫస్ట్ హాఫ్ లో కథ చెప్పకపోయినా ఎంటర్ టైన్మెంట్ అనేదానికి చాలా స్కోప్ ఉంది, కానీ రెండు మూడు సీన్స్ లో నవ్వించారే తప్ప మిగతా ఎక్కడా నవ్వించలేకపోయారు. దాని వలన ఫస్ట్ హాఫ్ సాగదీసిన ఫీలింగ్ అవ్స్తుంది. అలాగే సినిమా రన్ టైంని 155 నిముషాలు కాకుండా 140 నిమిషాల్లో చెప్పేలా ఎడిట్ చేసి కొన్ని అనవసర సీన్స్ ని తీసేసి ఉంటే బాగుండేది.
సాంకేతిక విభాగం :
సాంకేతిక నిపుణుల్లో అదిరిపోయే అవుట్ పుట్ ఇచ్చిన వాళ్ళలో మొదటగా చెప్పాల్సిన పేరు శ్యాం కె నాయుడు సినిమాటోగ్రఫీ. బాలకృష్ణని మును పెన్నడూ చూడనంత స్టైలిష్ గా చూపడమే కాకుండా, బాలయ్య ఇమేజ్ కి ఎలాంటి షాట్ పెట్టాలి అనేదాని పర్ఫెక్ట్ గా ప్లాన్ చేసి తీసాడు. చాలా చోట్ల శ్యాం కె నాయుడు బాలయ్యని చూపిన విధానంకే అభిమానులు ఫిదా అయిపోతారు. ఓవరాల్ గా కూడా సినిమా విజువల్స్ చాలా రిచ్ గా ఉన్నాయి. తమన్ మ్యూజిక్ అందించిన పాటలు బాగుంటే, విజువల్స్ పరంగా ఇంకాస్త బెటర్ అనిపిస్తాయి. వీటితో పాటు బాలకృష్ణ చేసిన రోరింగ్ పాత్రకి సరిపోయేలా చిన్నా ఇచ్చిన నేపధ్య సంగీతం కూడా సెకండాఫ్ కి చాలా పెద్ద హెల్ప్ అయ్యింది. బ్రహ్మ కడలి ఆర్ట్ వర్క్ మరియు తను వేసిన సెట్స్ సినిమా నేచర్ కి పర్ఫెక్ట్ గా మాచ్ అయ్యాయి. ఎడిటర్ గౌతమ్ రాజు అక్కడక్కడా సినిమాని సాగదీసిన ఫీఎలింగ్ కలిగించినప్పటికీ మేజర్ సీన్స్ లో ఫాస్ట్ ఎడిటింగ్ తో ఆకట్టుకునేలా చేసాడు. బాలయ్య బాడీ లాంగ్వేజ్ కి తగ్గట్టు రవి వర్మ చేసిన యాక్షన్ ఎపిసోడ్స్ బాగున్నాయి.
డిక్టేటర్ సినిమా కథ – కథనం అందించింది కోన వెంకట్ – గోపి మోహన్. వీరిద్దరూ బాగా ఫేమస్ అయిన కామెడీ ఫార్మాట్ ని ఫస్ట్ హాఫ్ లో ఇన్వాల్ చేస్తూనే బాలయ్య మార్క్ సీన్స్ కూడా మిక్స్ చేసి రాసుకోవడం బాగుంది. కానీ వాళ్ళు కథా పరంగా పెద్ద స్ట్రాంగ్ లైన్ తీసుకోకపోవడం మైనస్. బాలయ్యని కొత్తగా చూపుతూ, బాలయ్య బాడీ లాంగ్వేజ్ కి సరిపడా కొన్ని సీన్స్ తో సినిమాని రాసేసారు తప్ప కథకి ప్రాధాన్యత ఉండేలా చూసుకోలేదు. కథలో స్ట్రాంగ్ పాయింట్ ఉండి దాని చుట్టూ ఇలాంటి సీన్స్ అల్లుకొని ఉంటే బాగుండేది. స్క్రీన్ ప్లే పరంగా అక్కడక్కడా కాస్త స్లో అనిపించినా కొన్ని చోట్ల మాత్రం పరిగెత్తించారు. కోన వెంకట్ – గోపి మోహన్ లు అనుకున్న కథకి రచన సహకారం అందించిన శ్రీధర్ సీపాన రచన బాగుంది. అలాగే ఈ కథకి తగ్గా డైలాగ్స్ రాయడంలో ఎం. రత్నం సక్సెస్ అయ్యాడు. ఇక శ్రీవాస్ తెరపైన బాలయ్య లాంటి ఓ స్టార్ హీరోని సెకండాఫ్ లో పవర్ఫుల్ గా చూపడంలో సక్సెస్ అయ్యాడు. డైరెక్టర్ గా ఒక్క బాలయ్య మీదే ఎక్కువ దృష్టి పెట్టడం వలన అక్కడక్కడా బోరింగ్ ఎలిమెంట్స్ వచ్చాయి. శ్రీవాస్ అన్నా డైరెక్టర్ గా కథ- కథనం మరియు విలన్ పాయింట్ లో ఇంకాస్త బెటర్ మెంట్ చేయాల్సింది. ఇక దర్శకుడిగానే కాకుండా ఎరోస్ ఇంటర్నేషనల్ వారితో కలిసి ఒక నిర్మాతగా కూడా బెస్ట్ క్వాలిటీ ఉన్న సినిమాని అందించాడు.
తీర్పు :
నందమూరి అభిమానులతో పాటు, తెలుగు సినిమా అభిమానులు నందమూరి బాలకృష్ణ నుంచి ఏమేమి ఆశిస్తారో ఆ అంశాలను మెయిన్ అజెండాగా చేసుకొని తీసిన పర్ఫెక్ట్ స్టైలిష్ కమర్షియల్ ఎంటర్టైనర్ ‘డిక్టేటర్’. డిక్టేటర్ అనే పాత్రని సెకండాఫ్ లో పవర్ఫుల్ గా చూపించడం, ఆ పాత్రలో బాలయ్య అదుర్స్ అనే నటనని కనబరచడమే ఈ సినిమాకి హైలైట్. ఫస్ట్ హాఫ్ కాస్త అటు ఇటుగా ఉన్నా ఇంటర్వల్ బ్లాక్ నుంచి హీరోయిజం ని ఎలివేట్ చేయడం వలన థియేటర్ కి వచ్చిన ప్రేక్షకులు నిరుత్సాహపడరు. డైరెక్టర్ కథ – కథనం పరంగా ఇంకాస్త స్ట్రాంగ్ గా ఉండేలా చూసుకోకపోవడం ఈ సినిమాకి నెగటివ్ ఇంపాక్ట్ ని క్రియేట్ చేస్తుంది. డిక్టేటర్ గా బాలకృష్ణ పవర్ఫుల్ యాక్షన్, ఇంటర్వల్ బ్లాక్, ఫ్లాష్ బ్యాక్ ఎపిసోడ్ సినిమాకి బిగ్గెస్ట్ ప్లస్ అయితే, సింపిల్ కథ, కాస్త సాగాదీత, రొటీన్ క్లైమాక్స్ లు చెప్పదగిన మైనస్ పాయింట్స్. ఓవరాల్ గా బాలకృష్ణ అభిమానులు, మాస మసాలా కోరుకునే అభిమానులు ఈ సంక్రాంతిని థియేటర్స్ లో అరుపులు పెడుతూ ఎంజాయ్ చేయదగిన కమర్షియల్ సినిమానే ‘డిక్టేటర్’.
123తెలుగు.కామ్ రేటింగ్ : 3.25/5
123తెలుగు టీం