కథ నచ్చాలేగానీ అతను కొత్త దర్శకుడా లేక అనుభవమున్న దర్శకుడా అనేవి పట్టించుకోకుండా అవకాశం ఇచ్చేస్తుంటాడు మన మాస్ హీరో నందమూరి బాలకృష్ణ. బాలయ్య హీరోగా నటిస్తున్న 99వ సినిమా డిక్టేటర్’. శ్రీవాస్ దర్శకుడిగా చేస్తున్న ఈ సినిమాని తన కెరీర్లోనే పూర్తి డిఫరెంట్ గా ఉండేలా ట్రై చేస్తున్నాడు బాలకృష్ణ. జూలై 20 నుంచి మొదలైన ఈ సినిమా రెగ్యులర్ షూటింగ్ హైదరాబాద్ లో శరవేగంగా జరుగురోంది. గత నాలుగు రోజులుగా ఆర్ట్ డైరెక్టర్ బ్రహ్మకడలి నానక్రామ్ గూడాలో వేసిన ఓ స్పెషల్ సెట్ లో బాలకృష్ణ పై వచ్చే ఇంట్రడక్షన్ సాంగ్ ని షూట్ చేస్తున్నారు. ‘గం గం గం గణేశా గౌరీ తనయ సర్వేశా’ అంటూ సాగే ఈ పాటకి ప్రేమ్ రక్షిత్ మాస్టర్ స్టెప్స్ కంపోజ్ చేస్తున్నాడు.
ఈ పాటకి ఓ స్పెషాలిటీ కూడా ఉండదోయ్.. అదేమిటంటే.. డిక్టేటర్ బాలయ్య చేస్తున్న 99వ సినిమా అందుకే బాలయ్య ఈ సినిమాలోని ఇంట్రడక్షన్ సాంగ్ లో 99 మంది డాన్సర్స్ తో కలిసి స్టెప్స్ వేస్తున్నాడు. ఈ పాత్రని శ్రీవాస్ చాలా లావిష్ గా ఉండేలా తీయడమే కాకుండా బాలయ్య కెరీర్లో నెంబర్ 1 ఇంట్రడక్షన్ సాంగ్ గా నిలిచేలా షూట్ చేస్తున్నాడు. 99 మంది డాన్సర్లతో పాటు సుమారు 2000మంది జూనియర్ ఆర్టిస్టులు ఈ పాట షూటింగ్ లో పాల్గొంటున్నారు. బాలకృష్ణ ఈ సినిమా కోసం 12 కేజీల బరువు తగ్గి చాలా స్లిమ్ అవ్వడమే కాకుండా మునుపెన్నడూ కనిపించని స్టైలిష్ లుక్ లో కూడా కనిపించనున్నాడు. బాలకృష్ణ సరసన అంజలి, సోనాల్ చౌహాన్ హీరోయిన్స్ గా నటిస్తున్న ఈ సినిమాకి శ్రీవాస్ డైరెక్టర్. కోన వెంకట్ – గోపి మోహన్ – ఎం.రత్నం – శ్రీధర్ సీపాన కలిసి కథ- డైలాగ్స్ని అందించిన ఈ సినిమాని శ్రీవాస్ ఇరోస్ వారితో కలిసి నిర్మిస్తున్నాడు.
