‘లింగ’ సినిమా తర్వాత కాస్త గ్యాప్ తీసుకున్న సౌత్ ఇండియన్ సూపర్ స్టార్ రజినీకాంత్ ప్రస్తుతం తన తదుపరి సినిమా ‘కబాలి’ షూటింగ్ లో బిజీగా ఉన్నాడు. ఒకప్పటి రియల్ లైఫ్ మాఫియ డాన్ కథతో తెరకెక్కుతున్న ఈ సినిమాలో రజినీకాంత్ తన వయసుకు తగ్గా పాత్రలోనే చాలా స్టైలిష్ గా కనిపించనున్నాడు. గత కొద్ది రోజులుగా చెన్నైలో శరవేగంగా షూటింగ్ చేసిన ఈ చిత్ర టీం చెన్నైలో ఓ మేజర్ షెడ్యూల్ ని ఫినిష్ చేసారు.
చెన్నై షెడ్యూల్ అయ్యాక ఏ మాత్రం గ్యాప్ లేకుండా ఈ చిత్ర టీం మలేషియా వెళ్ళింది. నేటి నుంచి మలేషియాలో షూటింగ్ ని ప్రారంభించారు. అలాగే అక్కడ ప్రస్తుతం ఫైటర్స్ తో రజినీకాంత్ పై ఓ యాక్షన్ ఎపిసోడ్ ని షూట్ చేస్తున్నారు. మలేషియా షెడ్యూల్ తో ఈ సినిమా షూట్ దాదాపు పూర్తవుతుంది. సౌత్ చెన్నైలోని ఓ రియల్ లైఫ్ మాఫియా డాన్ పాత్రని స్పూర్తిగా తీసుకున్న ఈ సినిమాలో రజినీకాంత్ కబాలీశ్వరస్ అనే పాత్రలో కనిపించనున్నాడు. అందుకే ఈ సినిమాకి తమిళ్లో ‘కబాలి’ అనే టైటిల్ ని ఫైనలైజ్ చేసారు. రజినీకాంత్ సరసన రాధిక ఆప్టేని హీరోయిన్ గా ఫైనలైజ్ చేసిన ఈ సినిమాలో ప్రకాష్ రాజ్, జెడి చక్రవర్తి ముఖ్య పాత్రల్లో కనిపించనున్నారు. పిఎ రంజిత్ ఈ సినిమాకి డైరెక్టర్.
