‘బాహుబలి’ సినిమా తో ఇండియాలోని టాప్ హీరోల జాబితాలో చేరిపోయారు హీరో ప్రభాస్ . చాలా మంది దర్శక నిర్మాతలు ప్రభాస్ తో సినిమా చేయడానికి సన్నాహాలు చేస్తున్నారు. కానీ ప్రభాస్ జాగ్రత్తగా సినిమాలని ప్లాన్ చేసుకుంటున్నాడు. కొద్దీ రోజుల క్రితం స్టార్ డైరెక్టర్ కరణ్ జోహార్ ప్రభాస్ ని కలిసి సినిమా ఆఫర్ చేసాడని కానీ ప్రభాస్ సున్నితంగా ఆ ఆఫర్ ని రిజెక్ట్ చేసాడని మనకు తెలిసిందే . ప్రస్తుతం అందుతున్నతాజా సమాచారం ప్రకారం కరణ్ జోహార్ ఈ మధ్యన మల్లి ప్రభాస్ ని కలిసి సినిమా చేయమని అడిగాడట కాని డేట్స్ సర్దుబాటు కాకపోవడం వలన ప్రభాస్ ఈ సినిమా చేయడం కుదరదు అని చెప్పాడట . ప్రభాస్ ప్రస్తుతం ‘సాహో’ సినిమా షూటింగ్ లో బిజీ గా ఉన్నాడు . ఈ చిత్రం తరువాత ‘జిల్’ ఫేమ్ రాధా కృష్ణ దర్శకత్వం లో నటించనున్నాడు. .
