మన టాలీవుడ్ టాప్ దర్శకులలో ఒకరైన అనీల్ రావిపూడి సమర్పిస్తున్న తాజా చిత్రం “గాలి సంపత్”. ఇప్పుడున్న యువ హీరోల్లో మంచి టాలెంట్ ఉన్న వారిలో శ్రీవిష్ణు కూడా ఒకడు. మరి ఈ టాలెంటెడ్ హీరో కథానాయకుడిగా యువ దర్శకుడు అనీష్ దర్శకత్వంలో తెరకెక్కుతున్న ఈ చిత్రం ఒక లేటెస్ట్ అండ్ లాంగ్ షెడ్యూల్ ను పూర్తి చేసుకున్నట్టుగా మేకర్స్ తెలుపుతున్నారు.
ఆ మధ్య విశాఖలో ప్లాన్ చేసిన ఈ షెడ్యూల్ నేటితో పూర్తి కావడమే కాకుండా మొత్తం 80 శాతం సినిమా షూటింగ్ పూర్తయ్యినట్టు తెలిపారు. కోవిడ్ నిబంధనలలో సరైన జాగ్రత్తలు తీసుకొంటూ ఈ షూట్ ను పూర్తి చేసారు. అయితే ఈ చిత్రంలో నట కిరీటి రాజేంద్ర ప్రసాద్ కూడా ఒక కీలక పాత్రలో కనిపించనున్నట్టు తెలుస్తుంది. అలాగే మంచి ఎమోషన్స్ మరియు అనీల్ రావిపూడి మార్క్ కామెడీ కూడా ఈ చిత్రంలో ఉంటాయట.ఇక ఈ చిత్రాన్ని షైన్ స్క్రీన్స్ మరియు ఇమేజ్ స్పార్క్ ఎంటర్టైన్మెంట్స్ వారు నిర్మిస్తున్నారు.
