మెగా కాంపౌండ్ నుంచి వస్తున్న మరో యువ హీరో వైష్ణవ్ తేజ్. తన మొట్ట మొదటి చిత్రం గా “ఉప్పెన” అనే క్లీన్ లవ్ స్టోరీతో మంచి డెబ్యూ అందుకోవాలని చూస్తున్నాడు. కానీ కరోనా వల్ల ఈ సినిమా విడుదలకు బ్రేక్ పడింది. మధ్యలో సాలిడ్ ఓటిటి ఆఫర్స్ వచ్చాయి కానీ మేకర్స్ మాత్రం ఈ సినిమా విషయంలో ఎక్కడా తగ్గలేదు.
చాలా కాన్ఫిడెంట్ గా థియేట్రికల్ విడుదలకే రెడీ అయ్యారు. అయితే ఈ రెండు మూడు రోజుల్లోనే ఈ చిత్రం తాలూకా స్ట్రీమింగ్ హక్కులను నెట్ ఫ్లిక్స్ వారు భారీ ధరకు కొనుగోలు చేసారని టాక్ వచ్చింది. అయితే ఆ మాట నిజమే కానీ ఈ చిత్రం డైరెక్ట్ స్ట్రీమింగ్ విడుదల అయితే కాదని సమాచారం.
మొదటగా థియేటర్స్ లో విడుదల చేసిన తర్వాత మాత్రమే ఈ చిత్రాన్ని నెట్ ఫ్లిక్స్ లో అందుబాటులోకి తీసుకురానున్నారని లేటెస్ట్ టాక్. ఇక ఈ చిత్రాన్ని సుకుమార్ శిష్యుడు బుచ్చిబాబు సన దర్శకత్వం వహించగా దేవిశ్రీ ప్రసాద్ అద్భుతమైన బాణీలను అందించారు. అలాగే కృతి శెట్టి హీరోయిన్ గా నటించిన ఈ చిత్రాన్ని మైత్రి మూవీ మేకర్స్ వారు నిర్మాణం వహించారు.
