విశ్వనటుడు కమల్ హాసన్ మలయాళం ‘దృశ్యం-2’ను తమిళంలోకి రీమేక్ చేయాలనుకుంటున్న సంగతి తెలిసిందే. ‘దృశ్యం’ మొదటి భాగాన్ని కూడ ఆయన ‘పాపనాశనం’ పేరుతో రీమేక్ చేశారు. అందులో కమల్ హాసన్ సరసన గౌతమి నటించడం జరిగింది. ఆ సినిమా జరిగే సమయానికి కమల్, గౌతమి ఇద్దరూ సహజీవనంలో ఉన్నారు. కానీ వారిప్పుడు విడిపోయారు. అదే ఇప్పుడు సమస్యగా మారింది. ‘దృశ్యం-2’ రీమేక్ చేయడానికి ఆమె సుముఖంగా లేరు. దీంతో కథానాయికను మార్చాల్సిన అవసరం ఏర్పడింది.
ఒరిజినల్ వెర్షన్లో, తెలుగు రీమేక్ ‘దృశ్యం-2’లో నటించిన మీనాను కథానాయికగా తీసుకోవాలని అనుకున్నారు. కానీ ఆ నిర్ణయం కూడ మార్చుకున్నారట. సీనియర్ నటి నదియాను కథానాయకి పాత్రకు తీసుకోవాలని చూస్తున్నారట. నదియా తెలుగు ‘దృశ్యం’లో పోలీస్ ఆఫీసర్ పాత్రలో కనిపించిన సంగతి తెలిసిందే. మరి ఆమె కమల్ హాసన్ జోడీగా నటించడానికి ఒప్పుకుంటారో లేదో చూడాలి.
