రెబల్ స్టార్ ప్రభాస్ హీరోగా, డైరెక్టర్ మారుతి దర్శకత్వంలో తెరకెక్కుతున్న లేటెస్ట్ హారర్ ఫ్యాంటసీ మూవీ ‘ది రాజా సాబ్’ (The Raja Saab). ఈ సినిమా కోసం ఫ్యాన్స్ ఎంతో ఆసక్తిగా ఎదురుచూస్తున్నారు. జనవరి 9, 2026న ఈ చిత్రం థియేటర్లలో గ్రాండ్ గా రిలీజ్ కానుంది. ఇందులో నిధి అగర్వాల్, మాళవిక మోహనన్, రిద్ధి కుమార్ ఫిమేల్ లీడ్స్ గా నటిస్తున్నారు.
‘నాచే నాచే’ సాంగ్ రచ్చ.. కానీ తెలుగు ఫ్యాన్స్ నిరాశ
సినిమా ప్రమోషన్స్ లో భాగంగా మేకర్స్ రీసెంట్ గా ‘నాచే నాచే’ (Nache Nache) అనే మాస్ సాంగ్ ను రిలీజ్ చేశారు. 1980లలో సూపర్ హిట్టయిన ‘డిస్కో డాన్సర్’ సినిమాలోని ఐకానిక్ సాంగ్ కు ఇది రీమిక్స్ వెర్షన్. ఈ సాంగ్ విజువల్స్, బీట్స్ ఫ్యాన్స్ ను ఆకట్టుకున్నప్పటికీ, తెలుగు ఆడియన్స్ మాత్రం కాస్త నిరాశ చెందారు. దీనికి కారణం.. కేవలం హిందీ, తమిళ్ వెర్షన్లను మాత్రమే రిలీజ్ చేయడం.
సోషల్ మీడియాలో రూమర్స్ – మారుతి క్లారిటీ
ఈ సాంగ్ రిలీజైన వెంటనే సోషల్ మీడియాలో ఒక కొత్త ప్రచారం మొదలైంది. ఈ పాటను సినిమాలో మెయిన్ స్టోరీలో కాకుండా, కేవలం ఎండ్ క్రెడిట్స్ (End Credits) లో మాత్రమే ఉంచుతారనే టాక్ వినిపించింది. దీనిపై ఫ్యాన్స్ లో చర్చ మొదలైంది. అయితే, ఈ రూమర్స్ పై డైరెక్టర్ మారుతి స్పందించారు. ఈ పాటను ఎండ్ క్రెడిట్స్ లో వాడటం లేదని, సినిమాలో భాగమేనని ఆయన క్లియర్ చేశారు. దీంతో ఫ్యాన్స్ ఊపిరి పీల్చుకున్నారు.
పీపుల్ మీడియా ఫ్యాక్టరీ బ్యానర్ పై నిర్మిస్తున్న ఈ భారీ చిత్రంలో సంజయ్ దత్, బ్రహ్మానందం, బొమన్ ఇరానీ, జరీనా వహాబ్, సప్తగిరి వంటి సీనియర్ నటులు కీ రోల్స్ చేస్తున్నారు. తమన్ (Thaman) మ్యూజిక్ అందిస్తున్న ఈ సినిమా.. పాన్ ఇండియా స్థాయిలో ఈ సంక్రాంతికి బాక్సాఫీస్ వద్ద సందడి చేయడానికి సిద్ధంగా ఉంది.
