హీరో అడివి శేష్ తన వైవిధ్యమైన సినిమాలతో ప్రేక్షకులను అలరిస్తూనే ఉన్నాడు. ఆయన నటించిన తాజా చిత్రం ‘డెకాయిట్’ ప్రేక్షకుల ముందుకు వచ్చి మంచి రెస్పాన్స్ తెచ్చుకుంటోంది. షానీల్ డియో దర్శకత్వం వహించిన ఈ సినిమాలో మృణాల్ ఠాకూర్ హీరోయిన్ గా నటించగా, అనురాగ్ కశ్యప్, ప్రకాష్ రాజ్, అతుల్ కులకర్ణి తదితరులు కీలక పాత్రలు పోషించారు.
ఈ సినిమా ప్రమోషన్ల సమయంలో అడివి శేష్ తన నెక్స్ట్ ప్రాజెక్ట్పై ఆసక్తికరమైన విషయాన్ని వెల్లడించాడు. నటుడు మరియు దర్శకుడు రాహుల్ రవీంద్రన్ దర్శకత్వంలో తాను ఒక సినిమా చేయబోతున్నట్లు ఆయన ధృవీకరించాడు. రాహుల్ రవీంద్రన్ ఇటీవల రష్మిక మందన్న ప్రధాన పాత్రలో ‘ది గర్ల్ఫ్రెండ్’ అనే పవర్ఫుల్ చిత్రాన్ని తెరకెక్కించి అందరి దృష్టిని ఆకర్షించాడు. ఇప్పుడు శేష్ కోసం ఆయన ఒక సాలిడ్ కథను సిద్ధం చేసినట్లు తెలుస్తోంది.
ఈ క్రేజీ కాంబినేషన్ పట్టాలెక్కడానికి మరికొంత సమయం పట్టనుంది. అడివి శేష్ ప్రస్తుతం తన బ్లాక్ బస్టర్ హిట్ ‘గూఢచారి’కి సీక్వెల్గా వస్తున్న ‘G2’ షూటింగ్లో బిజీగా ఉన్నాడు. ఈ భారీ యాక్షన్ స్పై థ్రిల్లర్ పనులన్నీ పూర్తయిన తర్వాతే రాహుల్ రవీంద్రన్ ప్రాజెక్ట్ సెట్స్ పైకి వెళ్లే అవకాశం ఉంది. అడివి శేష్ సెలెక్టివ్ స్టోరీస్ మరియు రాహుల్ రవీంద్రన్ మేకింగ్ స్టైల్ కలవనుండటంతో అభిమానుల్లో ఈ ప్రాజెక్ట్పై అప్పుడే అంచనాలు క్రియేట్ అవుతున్నాయి.
