దర్శక ధీరుడు రాజమౌళి అత్యంత ప్రతిష్టాత్మకంగా తెరకెక్కిస్తున్న చారిత్రాత్మక సినిమా ‘బాహుబలి’ నిర్మాణంతర కార్యక్రమాలు ప్రారంభం అయ్యాయి. హైదరాబాద్ ప్రసాద్ లాబ్స్ లో ఈ సినిమా డబ్బింగ్ వర్క్స్ మొదలుపెట్టారు. త్వరలో తమిళ వెర్షన్ ‘మహాబలి’ డబ్బింగ్ వర్క్స్ ప్రారంభిస్తారు. ఈ సినిమా మొదటి పార్ట్ 2015 వేసవిలో విడుదల చేయనున్నారు.
ప్రభాస్, అనుష్క, తమన్నా, రానా ప్రధాన పాత్రలు పోషిస్తున్న ఈ సినిమా షూటింగ్ ప్రస్తుతం రామోజీ ఫిల్మ్ సిటీలో జరుగుతుంది. ప్రభాస్ మరియు ఇతర నటీనటులపై కీలక సన్నివేశాలను తెరకెక్కిస్తున్నారు. ఆర్కా మీడియా వర్క్స్ పతాకంపై శోబు యార్లగడ్డ, దేవినేని ప్రసాద్ నిర్మిస్తున్నారు. సెంథిల్ కుమార్ సినిమాటోగ్రఫీ అందిస్తున్నారు. యం.యం.కీరవాణి సంగీత దర్శకుడు.