లెజండ్రీ యాక్టర్ స్వర్గీయ అక్కినేని నాగేశ్వరరావు నట వారసుడుగా అక్కినేని ఫ్యామిలీ నుంచి వస్తున్న మూడవతరం యంగ్ హీరో అఖిల్ అక్కినేని. వివి వినాయక్ డైరెక్షన్ లో అఖిల్ చేస్తున్న మొదటి సినిమా ‘అఖిల్’. టాకీ పార్ట్ మొత్తం పూర్తి చేసిన ఈ చిత్ర టీం ప్రస్తుతం సినిమాలో మిగిలి ఉన్న మూడు పాటల షూటింగ్ ని పూర్తి చేసే పనిలో ఉన్నారు. అందులో భాగంగా రెండు పాటలను షూట్ చెయ్యడం కోసం యూరప్ వెళ్ళారు. సెప్టెంబర్ 2 నుంచి మునిచ్ లో అఖిల్ – సయేషా సైగల్ పై వచ్చే ఓ మెలోడీ సాంగ్ ని షూట్ చేసారు. 4 రోజుల్లో ఫస్ట్ సాంగ్ షూటింగ్ ని ఫినిష్ చేసిన ఈ చిత్ర టీం సెకండ్ సాంగ్ కోసం మునిచ్ నుండి స్పెయిన్ కి షిఫ్ట్ అయ్యారు.
నేటి నుంచి స్పెయిన్ లో అఖిల్ – సయేషా సైగల్ లపై మరో డ్యూయెట్ సాంగ్ ని షూట్ చేస్తున్నారు. ఈ పాటకి రఘు మాస్టర్ డాన్స్ కంపోజ్ చేస్తున్నాడు. ఈ నెల 12 వరకూ అక్కడే ఈ సాంగ్ ని షూట్ చేయనున్నారు. ఆ తర్వాత ఇండియాకి తిరిగి వస్తారు. యూరప్ లో షూట్ చేసిన ఈ రెండు సాంగ్స్ ఆన్ స్క్రీన్ చాలా గ్రాండ్ గా ఉంటాయని సమాచారం. ఇండియాకి తరిగి వచ్చాక సినిమాలో బాలన్స్ ఉన్న ఐటమ్ సాంగ్ ని హైదరాబాద్ లో వేసిన ఓ స్పెషల్ సెట్ లో షూట్ చేయనున్నారు. ఈ సాంగ్ తో షూటింగ్ మొత్తం పూర్తవుతుంది. మెలోడీ టచ్ – మాస్ బీట్ ఏదీ మిస్ కాకూడదని అనూప్ రూబెన్స్ – ఎస్ఎస్ తమన్ లు కంపోజ్ చేసిన అఖిల్ ఆడియో ని స్పెతెమ్బార్ 20న రిలీజ్ చేయనున్నారు. నితిన్ నిర్మిస్తున్న ఈ సినిమా అక్టోబర్ 22న రిలీజ్ కానుంది.